Նախորդ թողարկման ռեկորդային արագ տեղաբաշխումից հետո Ամիօ բանկը թողարկում է 2 մլրդ դրամի նոր պարտատոմսեր

Նախորդ՝ 6 մլրդ ՀՀ դրամ ծավալով պարտատոմսերի տրանշը շուրջ 30 ժամում հաջողությամբ տեղաբաշխելուց հետո Ամիօ բանկը ներկայացնում է ներդրումային նոր հնարավորություն։

2026 թվականի սեպտեմբերի 1-ից մինչև դեկտեմբերի 30-ը բանկը տեղաբաշխում է 2 մլրդ ՀՀ դրամ ընդհանուր ծավալով դրամային պարտատոմսերի նոր տրանշ՝ առաջարկելով ազատ միջոցները եկամտաբեր ներդրման վերածելու պարզ և հասանելի հնարավորություն։

Թողարկման պայմաններն են՝

• թողարկման ծավալ՝ 2 մլրդ ՀՀ դրամ,
• արժեթղթերի քանակ՝ 20,000 հատ,
• մեկ արժեթղթի անվանական արժեք՝ 100,000 ՀՀ դրամ,
• տարեկան արժեկտրոնային եկամտաբերություն՝ 9.75%,
• արժեկտրոնի վճարման պարբերականություն՝ կիսամյակային,
• շրջանառության ժամկետ՝ 36 ամիս։

Պարտատոմսերը հնարավոր է ձեռք բերել AMIO Mobile հավելվածով՝ առանց բանկ այցելելու։ Գործընթացը թվային է և հնարավորություն է տալիս ներդրում կատարել ընդամենը մի քանի քայլով։

Պարտատոմսերից ստացվող արժեկտրոնային եկամուտը մինչև 2027 թվականի դեկտեմբերի 31-ը ներառյալ ազատված է եկամտային հարկից։ Պարտատոմսերը երաշխավորված են «Ավանդների հատուցումը երաշխավորող հիմնադրամի» կողմից՝ օրենքով սահմանված կարգով և չափով։

Պարտատոմսերի ծրագրային ազդագիրը գրանցվել է ՀՀ Կենտրոնական բանկի նախագահի՝ 22.07.2026 թ. թիվ 1/310 Ա որոշմամբ։ Ծրագրային ազդագրին և դրա լրացումներին կարող եք ծանոթանալ այստեղ։ Փաստաթղթերի թղթային տարբերակները հասանելի են նաև Ամիօ բանկի բոլոր մասնաճյուղերում։

Պայմանների վերաբերյալ մանրամասները հասանելի են այստեղ։

✉️ [email protected] |