ԵՄ-ն Իսպանիայից տվյալներ է պահանջում Մարոկկո վերադարձած միգրանտների թվի մասին․ Politico

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԵՄ դեսպանները օգոստոսի 3-ին Իսպանիայից պահանջել են հաստատել Մարոկկո վերադարձած միգրանտների թվի վերաբերյալ հայտարարությունները: Ինչպես, հղում անելով դիվանագետներին, հայտնում է Politico պարբերականը, զրույցն ընթացել է բավականին լարված մթնոլորտում։

Աղբյուրների փոխանցմամբ՝ Մադրիդը խոսել է «բավականին կոշտ» տոնով՝ քննադատելով միգրացիոն ճգնաժամի վերաբրեյալ ԵՄ մյուս մայրաքաղաքների արձագանքը: Միևնույն ժամանակ, որոշ երկրներ կարծում են, որ Իսպանիան իր քաղաքականությամբ խրախուսել է միգրանտների ժամանումը, նշել է ԵՄ մեկ այլ ներկայացուցիչ: Օգոստոսի 4-ի ՆԳ նախարարների տեսակոնֆերանսը հնարավորությունը կտա նախարարներին համատեղ ուսումնասիրել Սեուտայում տեղի ունեցածը և կենտրոնանալ այն բանի վրա, թե ինչ դասեր պետք է քաղի ԵՄ-ն, Politico-ին հայտնել է եվրոպացի մեկ այլ դիվանագետ:

Հուլիսի վերջին տասնյակ հազարավոր ապօրինի միգրանտներ կարողացել են լողալով, ինչպես նաև ոտքով՝ շրջանցելով քաղաքը Մարոկկոյից բաժանող ալեարհատը, հասնել իսպանական Սեուտա ինքնավար քաղաք: Մարոկկոյի ներքին գործերի նախարարության պաշտոնական տվյալներով՝ ինքնավար քաղաքի հետ սահմանն անցնելիս զոհվել է 11 մարդ, իսկ Սեուտա թափանցած անօրինական միգրանտների թիվը կազմել է մոտ 40 հազար: Իսպանիայի կառավարության տեղեկություններով՝ առնվազն 72 մարդ է զոհվել Սեուտայի տարածք հասնելու փորձերի ժամանակ:

Ինչպես, հղում անելով քաղաքային կառավարության ղեկավար Խուան Հեսուս Վիվասին, հայտնել է Europa Press գործակալությունը, անօրինականների զանգվածային ներհոսքից հետո 3 հազարից 5 հազար միգրանտ դեռ կարող է մնացած լինել Սեուտայում:

Հետևեք մեզ՝ այստեղ