Ծննդատանը նորածիններին փոխանակել են․ նոր մանրամասներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ-ում երկու ընտանիք դատական հայց են ներկայացրել Գրաֆտոնի «Յունիթի» հիվանդանոցի դեմ՝ պնդելով, որ 36 տարի առաջ ծննդատանը իրենց նորածին երեխաներին փոխել են։ Այս մասին հայտնում է KKTV-ն։

Պատմությունը բացահայտվել է 2024 թվականին, երբ Կոլորադոյի բնակիչ, 36-ամյա Ջերեմի Մորիսոնը գենետիկական թեստ է հանձնել։ Արդյունքները ցույց են տվել, որ իրեն մեծացրած ծնողները իր կենսաբանական ծնողները չեն։

Մորիսոնի խոսքով՝ մանկուց իրեն տարբեր է զգացել ընտանիքում և հաճախ նկատել է, որ արտաքինով չի նմանվում հարազատներին, սակայն երբեք չէր պատկերացնում, որ պատճառը կարող էր լինել ծննդատանը տեղի ունեցած հնարավոր սխալը։

Ինչպես հայտնում է  Past.am-ը, հետագա ԴՆԹ հետազոտությունների արդյունքում պարզվել է, որ նույն օրը և նույն հիվանդանոցում, ընդամենը մի քանի ժամ տարբերությամբ, ծնվել է մեկ այլ տղա՝ Քայլ Բեյլինը։ Ընտանիքները ենթադրում են, որ հենց այդ ժամանակ էլ երեխաները փոխանակվել են։

Հիվանդանոցը, սակայն, հերքում է մեղադրանքները։ Բուժհաստատության ղեկավարությունը հայտարարել է, որ այդ տարիների աշխատակիցներն այլևս այնտեղ չեն աշխատում, իսկ արխիվային փաստաթղթերը չեն պահպանվել։ Նրանց պնդմամբ՝ առկա չէ որևէ ապացույց, որը կհաստատի, որ երեխաների փոխանակումը տեղի է ունեցել հենց հիվանդանոցի մեղքով։

Չնայած դատական գործընթացը դեռ շարունակվում է, երկու ընտանիքներն արդեն հանդիպել են իրենց կենսաբանական որդիներին։ Միևնույն ժամանակ, Ջերեմի Մորիսոնն ու Քայլ Բեյլինը, որոնք ենթադրաբար ծննդատանը փոխանակվել են, դեռևս անձամբ չեն հանդիպել։

Հետևեք մեզ՝ այստեղ