Ռուս-թուրքական լարված հարաբերությունների ֆոնին Թուրքիայում ակտիվացել են Սուրբ Սոֆիա տաճարը մզկիթի վերածելու խոսակցությունները

 Սիրիայի ճգնաժամի հետ կապված ռուս-թուրքական լարված հարաբերությունների ֆոնին Թուրքիայում դարձյալ ակտիվացել են Ստամբուլի (Կոնստանդնուպոլիս) Սուրբ Սոֆիա քրիստենեսական տաճարը մզկիթի վերածելու մասին խոսակցությունները:

 Սուրբ Սոֆիան մզկիթի վերածելու անհրաժեշտության մասին այս շաբաթ հրապարակումներ են ի հայտ եկել թուրքական երկու թերթերում:

Թուրքական աջ քաղաքական ուղղվածության «Միլլի գազեթե» (Ազգային տեսակետ») թերթը, որը հանդիսանում է «Բարօրություն» իսլամական կուսակցության օրգանը, Կոնստանդնուպոլսի պատմական մասի վերակառուցման նախագծին նվիրված հոդվածում գրել է գրել է. «Սպասվում է Սուրբ Սոֆիան ազատել գերութունից եւ նրանում մզկիթ վերածնել»:

Իշխանամետ «Ենի Շաֆագ» թերթում հրապարակված` «Սուրբ Սոֆիայի բացումն աշխարհին» հոդվածում Լեյլա Իփեքչին գրում է, որ Թուրքիայի վրա բազմամյա ճնշումը խանգարել է կատարել «ժողովրդի պահանջը» եւ Սուրբ Սոֆիան վերածել մզկիթի:

Հոդվածի հեղինակի կարծիքով` դրա օժանդակել են միջազգային համաձայնագրերը, եւ հատկապես, Ռուսաստանի դիրքորոշումը, ինչպես նաեւ Թուրքիայի իսլամացման մեջ իշխանություններին մեղադրելու համար ընդդիմախոսներին «առիթ չտալու» թուրքական կառավարության «երկյուղները»:

Թրքուհի հոդվածագիրը գտնում է, որ այսօր «իրավիճակի եւ Ռուսաստանի հետ հարաբերությունների փոփոխությունը բարենպաստ իրավիճակ է ստեղծում այնբանի համար, որպեսզի Սուրբ Սոֆիան վերածել մզկիթի»:

Հեղինակը կոչ է անում Սուրբ Սոֆիան բացել «աղոթքի համար» եւ այն վերածել իսլամական պաշտամունքյաին կառույցի, ինչպես դա արդեն արվել է Նիկեյում գտնվող Սուրբ Սոֆիայի եւ Տրապիզոնում գտնվող Սուրբ Սոֆիայի տաճարների դեպքերում:

Իփեքչին, այդուհանդերձ, «ողորմած» է գտնվում եւ կարծիք հայտնում, որ եթե համապատասխան խնդրագիր ներկայացվի, ապա տաճարի փոքրիկ մասը կարող է թողնվել նաեւ քիստոնեական ժամերգության համար: