Գարիկ Մարտիրոսյանի կինը պատմել է խանդի մասին

Style.news.am-ը գրում է.

Գարիկ Մարտիրոսյանի կինը՝ Ժաննան, անկեղծորեն պատմել է  իր ընտանեկան կյանքի մասին։

Ամուսնության առաջին հինգ տարիները Գարիկ ու Ժաննա Մարտիրոսյաններն անընդհատ հյուրախաղերի մեջ էին: Իսկ հետո վերջապես որոշել են բնակություն հաստատել Մոսկվայում ու բնակարան են վարձել: Ժաննան իր ընտրությունն արել է ընտանիքի օգտին ու հեռացել աշխատանքից: Չնայած ամուսինը հայտնի մարդ է, բայց Ժաննան ձգտում է խանդի համար առիթ չորոնել:

«Դա անիմաստ է: Եվ իմ խորհուրդը բոլոր կանանց՝ մինչեւ ամուսնու հեռախոսը ստուգելը, լավ մտածեք: Ես, օրինակ, երբեք Գարիկի հեռախոսը չեմ փորփրում: Նա ճիշտ է գաղտնաբառ ունի , բայց ես գիտեմ այդ գաղտնաբառը: Բարեբախտաբար, մենք Գարիկի հետ իրար վստահում ենք, ավելին՝ չի եղել այդպիսի իրավիճակ, որ ես կասկածեմ ամուսնուս: Նաեւ իմ բախտը շատ է բերել՝ Գարիկը ոչ մի սոցցանցում գրանցված չէ ու այդպես կյանքը շատ է հեշտանում: Եվ իմը, եւ նրանը: Կյանքն առանց այդ էլ կարճ է ու չարժե այն խանդի վրա ծախսել: Յուրաքանչյուր ընտանիք երջանկության մասին իր պատկերացումն ունի: Մարդիկ տարբեր են: Երջանկության բաղադրատոմսերը շատ են , յուրաքանչյուրն ընտրում է իրենը: Մեր ընտանիքում օրինակ հայրիշխանություն է: Այսինքն երբ կինը միշտ աջակցումէ ամուսնուն: Իմ կարծիքով այդպես է ծրագրված բնության կողմից՝ տղամարդն ուժեղ է , ու նա է որոշում կայացնում: Մեկ ուրիշ ընտանիքում կինը մոր դերում է լինում, իսկ ամուսինը ասես նրա որդին լինի, ես այդպես ապրել չէի կարողանա, բայց դա նրանց իրավունքն է, նրանց երջանկությունը: Յուրաքանչյուրն իր երջանկությունն ունի»,- մեջբերում է Լեվինա- Մարտիրոսյանին «Караван историй» պարբերականը: