ՊԱՏՄՈՒԹՅԱՆ ԱՅՍ ՕՐԸ (20 հունիս). Հանրահավաք Մատենադարանի մոտ, նստացույց Ազատության հրապարակում. «Փաստ»

ՏՈՆԵՐ ԵՎ ՀԻՇԱՐԺԱՆ ՕՐԵՐ

Փախստականների համաշխարհային օր

Կենդանաբանական այգիների փղերի պաշտպանության համաշխարհային օր

Արգենտինա՝ Ազգային դրոշի օր

Սենեգալ՝ Անկախության օր

Ուզբեկստան՝ Անկախության օր

ՀԱՅ-ՀԱՅԱՍՏԱՆ

1877-ծնվել է բանաստեղծ, արձակագիր, թարգմանիչ, հասարակական գործիչ Արշակ Աթայանը։

1911-ծնվել է նշանավոր մանկավարժ, գրող, հրապարակախոս Ղազարոս Աղայանը։

1915-ծնվել է բանաստեղծ, դրամատուրգ, թարգմանիչ, խմբագիր Գուրգեն Բորյանը։

1917-ծնվել է գրող Անահիտ Սահինյանը։

1920- Բաքվում բացվել է Հայկական պետական թատրոնը, որի առաջին ներկայացումը եղել է Շիրվանզադեի «Պատվի համար»-ը։

1921- ՀՍԽՀ Ժողկոմխորհի դեկրետով հանրապետության տարածքը բաժանվել է 8 գավառի՝ Երևան, Էջմիածին, Ալեքսանդրապոլ, Ղարաքիլիսա, Լոռի, Իջևան, Նոր Բայազետ և Դարալագյազ։ Գավառները բաժանվել են 33 գավառակի։

1923-ծնվել է մանրադիտակային քանդակների ու փորագրությունների վարպետ, երաժիշտ, ՀՀ վաստակավոր գործիչ Էդուարդ Տեր-Ղազարյանը։

1942-ծնվել է հանրահայտ ֆուտբոլիստ Էդուարդ Մարկարովը։

1985- վախճանվել է հայազգի նշանավոր պատմաբան, քաղաքական գործիչ Ջոն Կիրակոսյանը։

1990- տեղի է ունեցել Հայաստանի նոր խորհրդարանի առաջին նիստը. ԳԽ-ը բարդ պայմաններում ձեռնամուխ է եղել անկախ պետականության ստեղծմանը։

1991- Ղարաբաղյան առաջին պատերազմի ժամանակ Շահումյանի շրջանի Բուզլուխ գյուղի շրջակայքում խփվել է ադրբեջանական երեք Ми-24 ուղղաթիռ։

1997-Բելգիայում թուրքական դեսպանատանը տեղի է ունեցել պայթյուն. անհայտ մարդը հեռախոսով հայտնել է, որ հարձակումը իրականացրել է «Յանիկյանի ռազմականացված խումբը», սակայն անհայտ է մնացել՝ արդյո՞ք դա ԱՍԱԼԱՆ է իրականացրել, թե այլ ահաբեկչական խումբ։

2001-Երևանի մամուլի ակումբի և Բաքվի «Ենի Նեսիլ» լրագրողների միության կազմակերպած համատեղ ծրագրի շրջանակներում Բաքու է մեկնել վեց հայ լրագրող։

2007-«Հայաստան» համահայկական հիմնադրամի նոր գործադիր տնօրեն է նշանակվել Հայաստանի արտգործնախարարի խորհրդական Վահե Աղաբեկյանը։

2008-Մատենադարանին հարող տարածքում տեղի է ունեցել Լևոն Տեր-Պետրոսյանի գլխավորած Համաժողովրդական շարժման հանրահավաքը։

2015-Էլեկտրաէներգիայի թանկացման դեմ պայքարող «Ո՛չ թալանին» նախաձեռնությունը շարունակել է նստացույցը Ազատության հրապարակում. 300-ից ավելի ակտիվիստ գիշերը լուսացրել է բաց երկնքի տակ։

2018- ոստիկանության կողմից ստուգումներ են իրականացվել արագաչափերի և տեսախցիկների տեղադրմամբ զբաղվող «Էլլիպս ՋիԷյ» ընկերությունում։

2022-Արագածոտնի մարզում քպականների հարազատները կրակել են այն երիտասարդների վրա, որոնք հայհոյել են Նիկոլ Փաշինյանին։

2025-Ստամբուլում տեղի է ունեցել Փաշինյան-Էրդողան հանդիպումը։

ԱՇԽԱՐՀ

451- տեղի է ունեցել Կատալաունյան դաշտերի ճակատամարտը։

840-վիկինգները առաջին անգամ Սենայով լողալով հասել են Ռուան։

1587-անգլիացի հետազոտող Մարտին Ֆրոբիշերը Գրենլանդիան հայտարարել է թագավորության տարածք՝ այն անվանակոչելով Արևմտյան Անգլիա։

1782-հաստատվել է ԱՄՆ-ի Մեծ պետական կնիքը։

1792-Մեծ ֆրանսիական հեղափոխության ժամանակ սկսվել է ժողովրդական ապստամբություն Փարիզում։

1793-ամերիկացի Էլի Ուիթնին արտոնագրել է բամբակ մաքրող մեքենան։

1819- ծնվել է գերմանացի հրեայի ընտանիքից սերվող ֆրանսիացի երգահան և թավջութակահար, ֆրանսիական օպերետ ժանրի ստեղծողներից մեկը՝ Ժակ Օֆենբախը։

1840-Սեմյուել Մորզեն արտոնագրել է հեռագիրը։

1863- Արևմտյան Վիրջինիան դարձել է ԱՄՆ-ի 35-րդ նահանգը։

1867-ԱՄՆ նախագահ Էնդրյու Ջոնսոնը հայտարարել է Ալյասկայի գնման մասին։

1933-վախճանվել է միջազգային կոմունիստական շարժման գործիչ, կանանց իրավունքների պաշտպան Կլարա Ցետկինը։

1963-ստեղծվել է «թեժ գիծ» ԱՄՆ-ի և ԽՍՀՄ-ի միջև։

1974- որպես պատասխան հունական «սև գնդապետների» կողմից Կիպրոսում նոր ծայրահեղական ղեկավար նշանակելուն՝ Թուրքիան ռազմական գործողություններ է սկսել Կիպրոսի դեմ և գրավել Կիպրոսի ողջ հյուսիսը։

1990-Ուզբեկստանում ընդունվել է անկախության հռչակագիր։

1991-ԳՖՀ-ի խորհրդարանը որոշում է ընդունել Բոննից մայրաքաղաքը Բեռլին տեղափոխելու մասին։

2003-ստեղծվել է Վիքիպեդիա շտեմարանը։

2005-վախճանվել է առաջին ինտեգրալային միկրոսխեմաներ ստեղծողներից մեկը՝ ամերիկացի ֆիզիկոս Ջեկ Կիլբին։