Առաջին ալիքը հրապարակել է «Դասական Եվրատեսիլ 2026» միջազգային մրցույթի մասնակիցների ցանկը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Հայաստանի հանրային հեռուստաընկերության և Եվրոպական հեռարձակողների միության համագործակցության շրջանակում հունիսի 6-ին Հայաստանը հյուրընկալելու է «Դասական Եվրատեսիլ 2026» միջազգային մրցույթը։ Մրցույթի մասնակիցներն են`

• Բելգիա - Սիմոն Նախիմովիչ (մարիմբա),

• Գերմանիա - Մոե Դիրշթայն (ջութակ),

• Կիպրոս - Յակովոս Կեդարիտիս (կլարնետ),

• Լատվիա - Սոնյա Միսինա (մարիմբա),

• Լեհաստան - Միխավ Ստոխել (ակորդեոն),

• Հայաստան - Էլեն Վիրաբյան (ֆլեյտա),

• Պորտուգալիա - Բեատրիշ Լի Ռոզաու (ջութակ),

• Սերբիա - Յանա Յակովլևիչ (ջութակ),

• Շվեդիա - Էդվարդ Ալբեք Գլադեր (դաշնամուր),

• Շվեյցարիա - Մանուշ Թոթ (դաշնամուր) և

• Չեխիա - Նորա Լուբադովա (դաշնամուր)։

Ավելի վաղ հայտնել էինք, որ Հայաստանի հանրային հեռուստաընկերության և Եվրոպական հեռարձակողների միության համագործակցության շրջանակում այս տարի «Դասական Եվրատեսիլ 2026» միջազգային մրցույթն առաջին անգամ անցկացվելու է Հայաստանում: Հունիսի 6-ին եվրոպական 10 երկրների պատվիրակություններ ժամանելու են Հայաստան և Ալեքսանդր Սպենդիարյանի անվան օպերայի և բալետի ազգային ակադեմիական թատրոնի մեծ բեմում փայլելու են իրենց տաղանդով: Մասնակից երկրներն են Հայաստանը, Բելգիան, Կիպրոսը, Չեխիան, Գերմանիան, Լատվիան, Լեհաստանը, Պորտուգալիան, Սերբիան, Շվեդիան և Շվեյցարիան:

Հիշեցնենք՝ «Դասական Եվրատեսիլ 2026»-ի բրենդինգի ոգեշնչման աղբյուրը Մինաս Ավետիսյանի «Ջաջուռ» կտավն է: Հունիսի 6-ի ընտրությունը ևս խորհրդանշական է, քանի որ այդ օրը հայ մեծ կոմպոզիտոր Արամ Խաչատրյանի ծննդյան օրն է։ Բրենդինգում օգտագործված նոտաները վերցված են նրա աշխարհահռչակ «Դիմակահանդես» ստեղծագործությունից՝ ընդգծելով հայկական դասական երաժշտության կարևորությունն ու միջազգային ներկայությունը։

«Դասական Եվրատեսիլի» գլխավոր խորհրդանիշ հանդիսացող թավջութակը նույնպես ներկայացվել է հայկական մշակութային շեշտադրումներով՝ համադրելով Մինաս Ավետիսյանի գունային աշխարհն ու ազգային մոտիվները։

Մրցույթի կարգախոսն է՝ «Հայաստան. Վայր, որտեղ դասական երաժշտությունը միավորում է»։ Այս ուղերձով Հայաստանը ներկայանում է որպես մշակույթի, արվեստի և դասական երաժշտության միավորման հարթակ։

Հետևեք մեզ՝ այստեղ