ՊԱՏՄՈՒԹՅԱՆ ԱՅՍ ՕՐԸ (26 ՄԱՅԻՍԻ)․ Դժվարանցանելի է դարձել Իրան-Հայաստան ռազմավարական ավտոճանապարհը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Գայանա՝ Անկախության օր, Վրաստան՝ Անկախության օր, Դանիա՝ Կրոնթագաժառանգ Ֆրեդերիկի ծննդյան օր, Լեհաստան՝ Մոր օր, Ռուսաստան՝ Ռուս գործարարի օր։

ՀԱՅ-ՀԱՅԱՍՏԱՆ

451 – տեղի է ունեցել Ավարայրի ճակատամարտը, որը համարվում է հայոց պատմության ամենանշանավոր ու հերոսական ճակատամարտերից մեկը. զոհվել են սպարապետ Վարդան Մամիկոնյանը, Խորեն Խորխոռունին, Ներսեհ Քաջբերունին։

1918 – Անդրկովկասի Ֆեդերացիան մասնատվել է երեք անկախ պետությունների՝ Վրաստան, Հայաստան և Ադրբեջան։

1918-սկսվել է Սարդարապատի ճակատամարտը հայկական կանոնավոր զորամասերի, աշխարհազորի և Արևելյան Հայաստան ներխուժած թուրքական զորաբանակի միջև, որը հայերի համար դարձել է «20-րդ դարի Ավարայր»:

1926 –ծնվել է ամերիկահայ պատմաբան Վահագն Տատրյանը։

1928 –ծնվել է ամերիկահայ բժիշկ, գրող և հասարակական գործիչ Ջեք Գևորգյանը։

1929 –ծնվել է ըմբիշ Ռուբեն Վարդանյանը։

1946 – Գետառ գետի վարարումը մեծ վնասներ է հասցրել Երևանին։

2010 – դժվարանցանելի է դարձել ԻրանՀայաստան ռազմավարական ավտոճանապարհը, քանի որ 2007 թվականին շահագործման հանձնված Մեղրի-Շվանիձոր-Վերիշեն-Ծավ-Կապան ճանապարհի մի քանի հատված փլվել է։

2011 – Հայաստանի Ազգային ժողովը ընդունել է համաներման մասին որոշում, ըստ որի, պատժից ամբողջությամբ ազատվել է մոտ 400 մարդ, ևս 400-ի վրա համաներումը տարածվել է մասնակի, այն է՝ կրճատվել է միայն նրանց պատժի չկրած մասը։

2014 – Կարմիր գրքում գրանցված անդրկովկասյան գորշ արջը ցերեկով հայտնվել է մայրաքաղաքի Հալաբյան փողոցից քիչ հեռու գտնվող տարածքում։

2018 – Պատմության թանգարանում բացվել է «Հայաստանի առաջին Հանրապետությունը100 տարվա հետահայաց» ցուցահանդեսը։

2024 – Հանրապետության հրապարակում Բագրատ Սրբազանը մեծ հանրահավաք է անցկացրել, որին մասնակցել է ավելի քան 70 հազար մարդ։

2024 – գիշերը տեղացած հորդառատ անձրևների հետևանքով ՀՀ մի շարք մարզերում փակվել են ճանապարհներ, տներն ու ավտոմեքենաները հայտնվել են հեղեղի տակ, արգելափակվել են մարդիկ։

ԱՇԽԱՐՀ

604 – վախճանվել է Քենթերբերիի առաջին արքեպիսկոպոս Ավգուստին Քենթերբերիացին։

1232 – Հռոմի պապ Գրիգորի 9-րդն առաջին ինկվիզիտորներին ուղարկել է Արագոն, որով իսկ սկիզբ է դրել այն երևույթին, որը պատմության մեջ է մտել «Իսպանական ինկվիզիցիա» անունով։

1265 – ծնվել է ֆլորենցիացի բանաստեղծ, մտածող, աստվածաբան, քաղաքական գործիչ Դանթե Ալեգիերին՝ իտալական գրական լեզվի ստեղծողներից մեկը։

1521– Կառլոս 5-րդը ստորագրել է «Վորմսյան էդիկտը», որով հանձնարարվել է ձերբակալել Մարտին Լյութերին։

1573 –Հառլեմմերտեի ճակատամարտում իսպանական նավատորմը ջախջախել է ծովային գյոզերին։

1707 – իսպանական ժառանգության համար մղվող պատերազմում բուրբոնական դաշինքը գրավել է Սարագոսան։

1799 – Ռուս-ավստրիական պատերազմի ժամանակ ռուսական զորքերը Ալեքսանդր Սուվորովի հրամանատարությամբ գրավել են Թուրինը։

1805 – Նապոլեոն Բոնապարտը հռչակվել է Իտալիայի թագավոր և թագադրվել Միլանի տաճարում 1818 – վախճանվել է ռուս զորահրամանատար, գեներալ-ֆելդմարշալ Միխայիլ Բարկլայ-դե-Տոլը։

1822 – Նորվեգիայում Գրուեի եկեղեցու հրդեհի զոհ է դարձել 116 մարդ։

1842 – ծնվել է վրացի գրող և բանաստեղծ Գեորգի Ծերեթելին։

1858 – ծնվել է ազգությամբ իսպանացի ճանապարհային ինժեներ Ֆելիքս Բոան։

1865 – գեներալ Սմիթի ղեկավարած Հարավի բանակի կապիտուլ յացիայով ավարտվել է ԱՄՆ-ի քաղաքացիական պատերազմը։

1868 – Անգլիայում կայացել է վերջին հանրային ներկայությամբ մահապատիժը։

1874 – ծնվել է ֆրանսիացի ավիակոնստրուկտոր, օդաչու և արդյունաբերող Անրի Ֆարմանը։

1888 – վախճանվել է իտալացի քիմիկոս Ասկանիո Սոբրերոն, որն առաջինն է ստացել նիտրոգլիցերինը։

1896 – Նիկոլայ 2-րդը դարձել է Ռուսաստանի ցար։ 1897– առաջին անգամ տպագրվել է Բրեմ Սթոքերի «Դրակուլա» վեպը։

1905 – Կաննում ինքնասպանություն է գործել Ռուսաստանի ամենահարուստ մարդկանցից մեկը՝ Սավվա Մորոզովը։

1918 – ստեղծվել է Վրաստանի առաջին հանրապետությունը, այդ օրը Վրաստանում նշվում է որպես անկախության տոն։

1928 – ՖԻՖԱ-ն որոշում է ընդունել չորս տարին մեկ ֆուտբոլի աշխարհի առաջնություն անցկացնելու մասին։

1947 –ԽՍՀՄ-ում չեղարկվել է մահապատիժը (վերականգնվել է 1950 թվականին)։ 1948 – ՀԱՀ-ում հայտարարվել է ապարտեիդի քաղաքականության սկիզբը։

1966 – Գայանան անկախացել է Մեծ Բրիտանիայից։

1972 – Ռիչարդ Նիքսոնը և Լեոնիդ Բրեժնևը Մոսկվայում հակահրթիռային համակարգերի օգտագործման սահմանափակման մասին պայմանագիր են ստորագրել։

1986 – Եվրոպական տնտեսական համագործակցությունը ընդունել է Եվրոպայի դրոշը։

1987 – ԽՍՀՄ-ում ընդունվել է կոոպերատիվների մասին օրենքը, որը հնարավորություն է տվել զբաղվել անհատական տնտեսական գործունեությամբ։

1991 – Վրաստանում կայացած նախագահական ընտրություններում հաղթել է Զվիադ Գամսախուրդիան։

1999 – հնդկական բանակը Քաշմիրի Ջամուլլա տարածքում սկսել է «Վիջայ» օպերացիան, սկսվել է Կարգալ յան պատերազմը։

2011– ձերբակալվել է Բոսնիական պատերազմի ժամանակ Սերբական Հանրապետության բանակի հրամանատար Ռատկո Մլադիչը։

2014 – Ուկրաինայում սկսվել են մարտերը Դոնեցկի օդանավակայանում։

2017 – վախճանվել է ամերիկացի քաղաքագետ Զբիգնև Բժեզինսկին։

2020 – ԱՄՆ-ում սկսվել են մասսայական հակառասիստական ցույցեր:

Մանրամասները՝ «Փաստ» օրաթերթի այսօրվա համարում