ՊԱՏՄՈՒԹՅԱՆ ԱՅՍ ՕՐԸ (19 մայիսի). Հայտարարվել է հանրապետության բոլոր դատարանների մուտքերն ու ելքերը արգելափակելու նախաձեռնության մասին. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Մալազիական հույների ցեղասպանության հիշատակի համաշխարհային օր, Վիետնամ՝ Հո Շի Մինի ծննդյան օր, Դանիա՝ Համընդհանուր աղոթքի օր, Ռուսաստան՝ Ռուսական վառարանի օր, Ֆինլանդիա՝ Ռազմական դրոշի օր:

ՀԱՅ - ՀԱՅԱՍՏԱՆ

1892 - ծնվել է հայկական կինեմատոգրաֆիայի հիմնադիրներից մեկը՝ նշանավոր կինոռեժիսոր Համո Բեկնազարյանը, որի անունով է կոչվում «Հայֆիլմ» կինոստուդիան։

1913 - ծնվել է բանաստեղծ, առակագիր Մկրտիչ Կորյունը։

1918 - թուրքերը ներխուժել են Սուրմալու, թուրք գեներալ Հալիլ բեյը (Էնվեր փաշայի հորեղբայրը) Բաթումում հայտարարել է, թե «հայերը պարտված են և պետք է ենթարկվեն»։ Սկսվել է Սարդարապատի հերոսամարտը:

1922 - ծնվել է հայտնի դիրիժոր Օհան Դուրյանը։

1927 - ծնվել է բանաստեղծ և թարգմանիչ Գարիկ Բանդուրյանը։

1928 - ծնվել է ականավոր գիտնական Սերգեյ Մերգել յանը։

1930 - ծնվել է հայազգի հայտնի քարաքոսաբան Վեռնոն Ահմաջյանը։

1938 - ծնվել է հայ խորհրդային մարզիկ (հեռացատկորդ) Իգոր Տեր-Հովհաննիսյանը։

1940 - վախճանվել է գրող, բանաստեղծ, թարգմանիչ, խմբագիր Սեման։

1953 - ծնվել է ջրասուզորդ, աշխարհի և Եվրոպայի բազմակի չեմպիոն Շավարշ Կարապետյանը, որը 1976 թվականի սեպտեմբերի 16-ին փրկել է Երևանյան լիճը ընկած տրոլեյբուսի 20 ուղևորի՝ հանելով նրանց ջրից։

2001- ավարտվել է բորբոքված կրքերի մթնոլորտում անցած Հայաստանի գրողների միության 13-րդ համագումարը, Հայաստանի գրողների միության նախագահի պաշտոնում Հրանտ Մաթևոսյանին փոխարինել է գրականագետ Լևոն Անանյանը:

2003 - Հայաստան են բերվել ԵԱՀԿ հայաստանյան գրասենյակի կողմից տրամադրված 3401 լրացուցիչ թափանցիկ քվեատուփերը:

2017 - Կարեն Կարապետյանը վերանշանակվել է Հայաստանի վարչապետի պաշտոնում։

2019 - Նիկոլ Փաշինյանը հայտարարել է, որ հաջորդ օրը ժամը 8։30-ից արգելափակվում են հանրապետության բոլոր դատարանների մուտքերն ու ելքերը։

2020 - Արժույթի միջազգային հիմնադրամի տնօրենների խորհուրդը Հայաստանին 280 մլն դոլար է հատկացրել կորոնավիրուսի դեմ պայքարի համար։

ԱՇԽԱՐՀ

1125 - վախճանվել է Կիևյան մեծ իշխան, քաղաքական գործիչ, գրող և զորավար Վլադիմիր Մոնոմախը։

1389 - վախճանվել է մոսկովյան իշխան Դմիտրի Դոնսկոյը։

1536 - Լոնդոնում գլխատվել է Անգլիայի արքա Հենրիխ 8-րդի երկրորդ կինը՝ Եղիսաբեթ 1-ինի մայր Աննա Բոլեյնը։

1643 - Երեսնամյա պատերազմի ընթացքում տեղի է ունեցել Ռոկրուայի ճակատամարտը ֆրանսիացիների և իսպանացիների միջև, որն ավարտվել է իսպանացիների պարտությամբ։

1649 - ստեղծվել է Անգլիական Հանրապետությունը, որը հետագայում դարձել է Մեծ Բրիտանիայի հիմքը։

1712 - Ռուսաստանի կայսր Պետրոս 1-ինը երկրի մայրաքաղաքը Մոսկվայից տեղափոխել է Սանկտ Պետերբուրգ։

1780 - Հյուսիսային Ամերիկայի տարածքի մի մասի երկինքը պատվել է խավարով, պատմության մեջ այն կոչվել է «սև օր»։

1798 - սկսվել է Նապոլեոնի եգիպտական արշավանքը։

1802 - Նապոլեոն Բոնապարտը սահմանել է Պատվո լեգեոնի շքանշանը։

1825 - վախճանվել է ֆրանսիացի մտածող, սոցիոլոգ, գրաֆ Կլոդ Սեն-Սիմոնը։

1842 - տեղի է ունեցել Գաետանո Դոնիցետիի «Լինդա դի Շամունի» օպերայի պրեմիերան։

1910 - վերադարձել է Հալեյի գիսավորը, Երկիրը հատել է նրա պոչը, սակայն, չնայած բոլոր կանխատեսումներին, գիսավորը ոչ մի վնաս չի տվել մոլորակին։

1922 - Համառուսաստանյան կոմերիտմիության համաժողովը որոշում է ընդունել «Համընդհանուր պիոներական ջոկատներ ստեղծելու մասին», առաջացել է Համամիութենական պիոներական կազմակերպությունը։

1927 - ծնվել է եգիպտացի արձակագիր, դրամատուրգ, հրապարակախոս, կինոսցենարիստ Յուսուֆ Իդրիսը։

1950 - Իսրայել է հասել Իրաքից գաղթած հրեաների առաջին խումբը։

1977 -ծնվել է ուրուգվայցի երգչուհի և կինոդերասանուհի Նատալիա Օրեյրոն։

1991 - Քուվեյթում դատարանը մարդուն դատապարտել է 15 տարվա ազատազրկման այն պատճառով, որ վերջինս հագել է Սադամ Հուսեյնի նկարով շապիկ։

2024- Իրանի նախագահ Էբրահիմ Ռաիսին մահացել է ուղղաթիռի վթարի հետևանքով։ Ուղղաթիռում գտնվող բոլոր անձինք ևս զոհվել են, այդ թվում՝ Իրանի արտգործնախարար Հոսեյն Ամիր Աբդոլլահիանը։

Մանրամասները՝ «Փաստ» օրաթերթի այսօրվա համարում