Ազնավուր, Բաբաջանյան, Օրբելյան. երեկո, որը ստիպեց հազարավոր սրտերի բաբախել 

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Այսօր Արամ Խաչատրյան համերգասրահում տեղի ունեցավ տարվա ամենասպասված մշակութային իրադարձություններից մեկը՝ «Հայ Եռալեգենդ» համերգը։ Երեկոն նվիրված էր Շառլ Ազնավուրին, Առնո Բաբաջանյանին և Կոնստանտին Օրբելյանին։

Pop Symphony Production-ի կողմից կազմակերպված այս միջոցառումն առանձնացավ իր բարձր մակարդակով, տպավորիչ լուսային շոուով և սիմֆոնիկ հզոր հնչողությամբ։

Սակայն ամենակարևորը կուլիսներում տիրող անկեղծությունն էր։ Ահա թե ինչ պատմեցին մեզ արտիստները բեմ բարձրանալուց վայրկյաններ առաջ։

«Գիտեք, չնայած քանի տարի է բեմում եմ, բայց այսօրվա պատասխանատվությունն այլ է։ Լեգենդների գործերը երգելիս միշտ էլ լարվածություն կա, որովհետև դու պետք է կարողանաս փոխանցել այն էներգիան, որը նրանք թողել են մեզ։ Սիրտս հիմա շատ արագ է բաբախում»,- նշեց Սիլվա Հակոբյանը։
Սոֆի Մխեյանն էլ նշեց, որ բեմբարձրանալուց առաջ այդ լարվածությունը ոչ թե վախ է, այլ մեծ հարգանք հանդիսատեսի և այս մեծությունների հանդեպ։ «Երբ տեսնում ես լեփ-լեցուն դահլիճը, հասկանում ես, որ մարդիկ եկել են այդ լեգենդար շունչը զգալու, և մենք իրավունք չունենք սխալվելու»,- ասաց նա։
Հայկ Պետրոսյանը հավելեց, որ Ազնավուր երգելը իր համար ամեն անգամ նոր աղոթքի պես մի բան է։ Նրա խոսքով` լարվածությունը միշտ էլ կա, բայց հենց առաջին նոտան հնչում է, այդ լարվածությունը վերածվում է սիրո։

Սոնա Սարգսյանն էլ նշեց, որ լարվածությունը մեզ օգնում է մնալ տոնուսի մեջ և տալ առավելագույնը։

Համերգն ավարտվեց բուռն ու երկարատև ծափահարություններով։

Կազմակերպչական փայլուն աշխատանքի շնորհիվ հանդիսատեսը հնարավորություն ունեցավ մեկ երեկոյի ընթացքում ճամփորդել հայկական երաժշտության ոսկե դարաշրջանով։ Սա ևս մեկ ապացույց էր, որ իրական արժեքները երբեք չեն հնանում, իսկ մերօրյա արտիստները պատվով են շարունակում այդ մեծ ճանապարհը։

Հետևեք մեզ՝ այստեղ