ՊԱՏՄՈՒԹՅԱՆ ԱՅՍ ՕՐԸ (16 ԱՊՐԻԼԻ)․ Լաստանավի ու ռազմանավի խորտակում, կրակոցներ մարդաշատ փողոցում. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Հայաստան՝ Ոստիկանության աշխատողի օր, Բուլղարիա՝ Առաջին Սահմանադրության օր, Դանիա՝ Մարգարեթ թագուհու ծննդյան օր։

ՀԱՅ–ՀԱՅԱՍՏԱՆ

1844 – ծնվել է ֆրանսիացի գրող Անատոլ Ֆրանսը, որը մեծապես օժանդակել է Հայկական հարցի հանրայնացմանը։

1958 – վախճանվել է երգահան Վաղարշակ Սրվանձտյանը։

1958 – ծնվել է լեզվաբան Աշոտ Աբրահամյանը։

1990 – ԱՄՆ-ում «բժիշկ մահ» Ջեք Գևորգյանը կատարել է իր առաջին էֆթանազիան։

1994 – Ղարաբաղյան առաջին պատերազմի ժամանակ հայկական բանակը անընդհատ և համառ հարձակումների շնորհիվ գրավել է Աղդամ քաղաքից հյուսիս և Տերտեր քաղաքից արևմուտք ընկած մի քանի բնակավայր։ Ադրբեջանական բանակի կորուստները կազմել են 2000 զինվոր, հայկական բանակին է անցել ադրբեջանական բանակի 28 միավոր զրահատեխնիկա, այդ թվում՝ 8 տանկ, հետևակի 5 մարտական մեքենա և 15 զրահամեքենա։

1993 – վախճանվել է հայկական արմատներով խորհրդային կոնստրուկտոր Գեորգի Միրզոևը:

2001 – ընդունվել է «Ոստիկանության մասին» օրենքը։

2003 – Սահմանադրական դատարանը որոշ վերապահումներով մերժել է նախագահի թեկնածու Ստեփան Դեմիրճյանի՝ 2003 թվականի մարտի 5–ին անցկացված նախագահական ընտրություններն անվավեր ճանաչելու մասին դիմումը:

2004 – Մատենադարի մոտ տեղի է ունեցել հայաստանյան ընդդիմության հանրահավաքը՝ առաջինը ապրիլի 13–ի գիշերը Բաղրամյան պողոտայի ցույցը ցրելուց հետո:

2006 – հայազգի փաստաբաններ Մարկ Գերագոսը, Բրայան Կաբատեկը եւ Վարդգես Եղիայանը հայց են ներկայացրել ընդդեմ «Դոյչե բանկ» և «Դրեզդներ բանկ» գերմանական դրամատների՝ պահանջելով վերադարձնել Ցեղասպանության զոհ դարձած հայերին պատկանող գումարները:

2008 – Էդվարդ Նալբանդյանը նշանակվել է ՀՀ արտաքին գործերի նախարար:

2012 – Մաշտոցի պուրակում կրպակներն ապամոնտաժելու դեմ պայքարող ակտիվիստներին, որոնց շարքերում նաև կանայք են եղել, հրելով, ձեռքերն ոլորելով, գետնին ընկած քարշ տալով՝ ոստիկանները դուրս են բերել կրպակներից:

2012 – վախճանվել է քանդակների վարպետ Էդուարդ Տեր-Ղազարյանը;

2016 – Ազգային ժողովում 4+4+4 ձևաչափով բանակցություններն ավարտվել են առանց փոխհամաձայնության: Թե՛ ընդդիմությունը, թե՛ քաղհասարակությունը հայտարարել են, որ «Ընտրական օրենսգրքի» շուրջ կոնսենսուս չի կայացել:

2018 – Սերժ Սարգսյանի վարչապետության դեմ փողոց դուրս եկած մի քանի ուսանողներ փակել են մետրոյի «Երիտասարդական» կայարանի մոտակայքի հարակից ճանապարհներն ու խաչմերուկները: Առավոտվանից Շիրակի մարզպետարանի շենքն է հայտնվել շրջափակման մեջ: Երևանի Ֆրանսիայի հրապարակում կայացել է Սերժ Սարգսյանի իշխանավարման երկարաձգման դեմ պայքարող ցուցարարների հանրահավաք։

ԱՇԽԱՐՀ

1705 – Անգլիայի թագուհի Աննան ասպետ է ձեռնադրել գիտնական Իսահակ Նյուտոնին։

1797 – թագադրվել է ռուսական ցար Պավել 1–ինը։

1828 – վախճանվել է իսպանացի նկարիչ Ֆրանցիսկո Գոյան։

1862 – ԱՄՆ-ի քաղաքացիական պատերազմի ժամանակ հյուսիսցիները գրավել են Նոր Օռլեանը։

1871 – Բեռլինը դարձել է Գերմանիայի մայրաքաղաք։

1889 – ծնվել է անգլիացի և ամերիկացի կինոռեժիսոր, սցենարիստ և դերասան Չարլի Չապլինը։

1906 – ավարտվել է ստորջրյա մալուխի կառուցումը ԱՄՆ–ի և Չինաստանի միջև։

1917 – Ֆինլանդիայից Պետերբուրգի կայարան է ժամանել վտարանդի Վլադիմիր Լենինը։

1934 – ԽՍՀՄ Կենտրոնական գործադիր կոմիտեն հատուկ որոշումով սահմանել է «Խորհրդային Միության հերոս» պատվավոր կոչումը։

1940 – ծնվել է Դանիայի թագուհի Մարգարեթ 2–րդը։

1945 –Երկրորդ համաշխարհային պատերազմի ժամանակ խորհրդային Լ-3 ռազմանավի կողմից խորտակվել է գերմանական «Գոյա» տրանսպորտային նավը։ Արդյունքում ավելի քան 6000 մարդ է զոհվել։

1992 – գահընկեց է արվել Աֆղանստանի նախագահ Մուհամմեդ Նաջիբուլլան։

2007 – ԱՄՆ-ի Վիրջինյան պոլիտեխնիկական ինստիտուտի ուսանողական ավանում կորեական ծագմամբ 23-ամյա չորրորդ կուրսի ուսանող Չո Սին Խին կրակ է բացել մարդաշատ վայրում, որի արդյունքում 32 անձ զոհվել է, իսկ 40-ն ստացել է հրազենային վիրավորում։

2014–Հարավային Կորեայի հարավ-արևմտյան ծովափին խորտակվել է «Սևոլ» լաստանավը, որի արդյունքում 304 մարդ է զոհվել։

Մանրամասները՝ «Փաստ» օրաթերթի այսօրվա համարում