55-ամյա կինը uպանել և մաuնատել է իր հարևանուհուն, որի հետ չէր ուզում ապրել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Սան Ֆրանցիսկոյի ժյուրին 55-ամյա Լիզա Գոնսալեսին մեղավոր է ճանաչել 2018 թվականին իր հարևանուհու սպանության մեջ, հաղորդում է KGO-TV-ն ։

Գոնսալեսի զոհ Մարգարետ Մամերը անհետ կորել է 2018 թվականի հունիսի 1-ին։ Նրա ընկերները անմիջապես կասկածել են նրա հարևանին։ Բնակարանի երրորդ բնակիչը, որի անունը չի հրապարակվում, ասել է, որ Գոնսալեսը վերջին մի քանի շաբաթների ընթացքում բողոքել է Մամերից և պլանավորել է նրան վտարել։ Երբ նրան իրավական տարբերակներ են առաջարկվել, կինը պատասխանել է. «Ոչ, շնորհակալություն։ Ես կանեմ իմ ձևով»։

Մամերի անհետացումից հետո Գոնսալեսը իր մնացած հարևանուհուն ասել է, որ նա վերջապես տեղափոխվել է, բայց ոչ այնպես, ինչպես ուզում էր։ Հունիսի 2-ին ոստիկանությունը ժամանել է բնակարան՝ նրան ստուգելու համար։ Գոնսալեսը պնդել է, որ անհետ կորած կինը որոշել է տեղափոխվել։ Սակայն ոստիկանները չեն հավատացել նրան, խուզարկել են բնակարանը և պահարանում գտել մասնատված մարդկային մնացորդներ։ Դատաբժշկական փորձագետները պարզել են, որ դրանք պատկանում են Մամերին։

Հարցաքննության ժամանակ բնակարանի երրորդ բնակիչը պատմել է, որ ոստիկանության ժամանումից մի քանի շաբաթ առաջ լոգարանում ինչ-որ բանի սղոցի ձայն է լսել։ Բացի այդ, մոտավորապես այդ ժամանակ բնակարանում սկսել է քացախի և սպիտակեցնողի հոտ տարածվել։ Ավելի ուշ կինը լվացարանի տակ սղոց է տեսել և նկատել, որ իր պահեստային տարան բացակայում է։

Գոնսալեսը կալանքի տակ է և սպասում է դատավճռի հրապարակմանը։