Սիրիայում ցամաքային գործողություն ծավալելու Անկարայի պլանները հղի են պատերազմով. Բորդյուժա

Սիրիայի տարածքում ցամաքային գործողություններ ծավալելու մտադրության վերաբերյալ Թուրքիայի եւ Սաուդյան Արաբիայի հայտարարություններն սպառնում են սիրիական ճգնաժամը հասցնել որակապես նոր մակարդակի՝ տարածաշրջանի պետությունների միջեւ ուղղակի ռազմական բախման: Այդ մասին, ինչպես տեղեկացնում Է «Արմենպրես»-ը, հայտարարել Է Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժան:

Ինչպես ասված Է Բորդյուժայի հայտարարության մեջ, ՀԱՊԿ-ի քարտուղարությունում խիստ անհանգստացած են Սիրիայում իրադրության սրումից:

«Թուրքայի կողմից Սիրիայի տարածքի զանգվածային հրետակոծումները, Սիրիայի տարածքում ցամաքային գործողություններ ծավալելու մտադրության վերաբերյալ Անկարայի եւ Էր Ռիադի հայտարարությունները հղի են նրանով, որ սիրիական ճգնաժամը կարող Է հասնել որակապես նոր, շատ վտանգավոր մակարդակի՝ տարածաշրջանի պետությունների միջեւ ուղղակի ռազմական բախման: Իրադարձությունների նման զարգացման հետեւանքները դժվար Է կանխատեսել»,-ընդգծել Է Բորդյուժան:

Նրա խոսքով՝ այս պայմաններում հետին պլան Է մղվում գլխավոր խնդրի լուծումը՝ միջազգային ահաբեկչության դեմ պայքարը, ներսիրիական խաղաղ կարգավորմանն աջակցելը:

«Սիրիայի տարածքում՝ Հաքավական անվտանգության պայմանագրի կազմակերպության պատասխանատվության գոտու անմիջական մերձակայքում, պատերազմի օջախի հետագա բորբոքումը սպառնալիք Է կազմակերպության անդամ պետությունների անվտանգության համար»,-ասել Է նա, հաղորդել Է ՌԻԱ Նովոստին: