Վրաստանը հայտնել է արտասահմանյան հատուկ ծառայությունների հետ կապ ունեցող օտարերկրացու ձերբակալման մասին
ՄԻՋԱԶԳԱՅԻՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վրաստանի պետական անվտանգության ծառայությունը (ՊԱԾ) ձերբակալել է արտասահմանյան հատուկ ծառայությունների հետ հավանական կապ ունեցող օտարերկրացու, որը փորձել է կեղծ փաստաթղթերով խոշոր անշարժ գույք ձեռք բերել. այս մասին ճեպազրույցի ժամանակ հայտնել է ՊԱԾ փոխղեկավար Լաշա Մագրատձեն, հաղորդում է Новости-Грузия-ն։
«Հակահետախուզության դեպարտամենտի աշխատակիցներն ինտենսիվ ռեժիմով իրականացնում են հակահետախուզական և համապատասխան օպերատիվ միջոցառումներ՝ օտարերկրյա պետությունների հատուկ ծառայությունների հետ կապված անձանց հայտնաբերելու և տարբեր հանցագործությունների համար նրանց պատասխանատվության ենթարկելու նպատակով: Այս ուղղությամբ իրականացված քննչական գործողությունների արդյունքում ձերբակալել ենք օտարերկրյա քաղաքացու, որը մեղադրվում է կեղծ պաշտոնական փաստաթուղթ օգտագործելու մեջ»,- ասել է Մագրատձեն:
Ըստ նրա, ձերբակալվածն օգտագործել է այլ պետության կեղծ անձնագիր և փորձել է ապօրինի կերպով տիրանալ խոշոր չափի անշարժ գույքի: Մասնավորապես, նա մտադիր էր այլ անձի անունից նոտարական գործարք ձևակերպել և երրորդ անձի տալ Վրաստանում գրանցված անշարժ գույքը տնօրինելու իրավունք։
Մագրատձեն չի հստակեցրել, թե որ երկրի քաղաքացի է ձերբակալվածը կամ որ պետության շահերից ելնելով է նա գործել:
Քննությունն ընթանում է Վրաստանի քրեական օրենսգրքի 362-րդ (կեղծ փաստաթղթի օգտագործում) և 19-180-րդ (խոշոր չափի խարդախության փորձ) հոդվածներով: Մեղադրյալին սպառնում է 6-ից 9 տարի ժամկետով ազատազրկում:
Հետևեք մեզ՝ այստեղ



