Լիբանանում զոհվածների թիվը գերազանցել է 1 400-ը. քանի՞ զոհ ունեն հակամարտության կողմերը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Լիբանանի առողջապահության նախարարության վերջերս հրապարակած թարմացված տեղեկատվության համաձայն՝ Լիբանանում Իսրայելի հարվածների հետեւանքով զոհերի թիվը գերազանցել է 1 400-ը։ Նախարարությունը հայտնել է, որ մարտի 2-ից, երբ Իսրայելը սկսել է հարվածել «Հեզբոլլահ»-ին պատկանող թիրախներին, զոհվել է առնվազն 126 երեխա։

Զոհվածների թվում են նաեւ առնվազն 54 բուժաշխատող եւ 93 կին։

CNN հեռուստաալիքի տվյալներով, որոնք հրապարակել են տարածաշրջանային իշխանությունները, Մերձավոր Արեւելքում ներկա հակամարտության սկզբից զոհվել են հազարավոր մարդիկ։ ԱՄՆ-ի եւ Իսրայելի կողմից Իրանին հասցված հարվածներով սկսված մարտական ​​գործողությունները տարածվել են Թեհրանի աջակցությւոնը վայելող խմբավորումների, այդ թվում՝ Լիբանանի հարավում գործող «Հեզբոլլահ»-ի վրա։

Հեռուստաալիքը հրապարակել է զոհվածների եւ վիրավորների վերաբերյալ թարմացված տվյալներ։

Իրանում ԱՄՆ եւ Իսրայելի համատեղ հարվածների սկզբից առ այսօր զոհվել է ավելի քան 2 000 մարդ, հինգշաբթի օրը հայտնել է Իրանի Կարմիր մահիկի ընկերությունը։ Երեկ Իրանի առողջապահության նախարարությունը հայտնել է, որ զոհվածների թվում են առնվազն 216 երեխա, այդ թվում՝ մինչեւ հինգ տարեկան 17 երեխա։

Կառավարության տվյալներով՝ պատերազմի սկսբից Իրաքում զոհվել է առնվազն 107 մարդ։ Քուրդիստանի շրջանում, տարածաշրջանային կառավարության տվյալներով, զոհվել է առնվազն 13 մարդ։

Իսրայելի տարածքում հակամարտության սկսվելուց ի վեր զոհվել է մոտ 19 քաղաքացիական անձ՝ չհաշված ավիահարվածներից անուղղակիորեն զոհվածները։ Իսրայելական բանակի տվյալներով՝ տասը իսրայելցի զինվոր է զոհվել Լիբանանի հարավում։

ԱՄՆ Կենտրոնական հրամանատարության տվյալներով՝ Իրանի հետ պատերազմի սկսվելուց ի վեր զոհվել է տասներեք ամերիկացի զինծառայող։

Տեղի իշխանությունների տվյալներով՝ փետրվարի 28-ից հակամարտության հետ կապված մահվան դեպքեր են գրանցվել նաեւ Արաբական Միացյալ Էմիրություններում, Կատարում, Քուվեյթում, օկուպացված Արեւմտյան ափին, Օմանում, Բահրեյնում եւ Սաուդյան Արաբիայում։

Նշենք, որ Իրանի ԻՀՊԿ-ն պարբերաբար հաղորդում է հարյուրավոր ամերիկացի զինվորների մահվան մասին։

Հետևեք մեզ՝ այստեղ