Ի՞նչ է կատարվում Կապանում՝ հեղեղումից հետո

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արխիվային լուսանկար

Մարտի 27-ին հորդառատ անձրևների պատճառով Կապանի Գրիգոր Արզումանյան փողոցում սելավատարից դուրս եկած ջուրը լցվել էր փողոց և Ողջի գետ, ինչի հետևանքով վնասվել են ավտոմեքենաներ, տուժել կենդանիներ։

Հասկանալու համար, թե ինչ իրավիճակ է այս պահին Կապանում, MediaHub-ը փորձեց կապ հաստատել Կապանի համայնաքապետի հետ, սակայն համայնքի ղեկավարը գտնվում էր արձակուրդում, իսկ համայնքապետարանից հայտնեցին՝ հորդառատ անձրևների հետևանքով առաջացած վթարների վերացման աշխատանքները շարունակվում են։ 

Ծառայության մարդկային ներուժն ու տեխնիկան այս պահին էլ աշխատում են ամբողջ ծանրաբեռնվածությամբ։

Հիշեցնենք, որ մարտի  26-ին «Հիդրօդերևաբանության և մոնիթորինգի կենտրոն»-ը ֆեյսբունքյան էջում հայտարարություն էր տարածել՝ Հարավից ակտիվ ցիկլոնի ներթափանցմամբ պայմանավորված՝ մարտի 27-28-ին ժամանակ առ ժամանակ շրջանների մեծ մասում սպասվում են տեղումներ, լեռնային գոտիներում թաց ձյան, նախալեռնային և հովտային գոտիներում անձրևի տեսքով, առանձին շրջաններում ուղեկցվելով ցածր հորիզոնական տեսանելիությամբ և քամու ուժգնացմամբ՝ 14-17մ/վ արագությամբ: Մարտի 27-ին Սյունիքում և Վայոց ձորի առանձին հատվածներում, մարտի 27-28-ին՝ Լոռիում և Տավուշում տեղումները կլինեն ինտենսիվ։

Սպասվող տեղումներով պայմանավորված մարտի 27-28-ին հանրապետության գետերում սպասվում է ջրի ելքերի մեծացում, Ողջի, Գորիսգետ, Մեղրիգետ, Արփա Դեբեդ և Աղստև գետերի ավազաններում՝ զգալի։

Էմմա Մարտիրոսյան

Հետևեք մեզ՝ այստեղ