Դերասանների գրառումները՝ Թատրոնի միջազգային օրվա առթիվ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Այսօր Թատրոնի միջազգային օրն է: Օրվա առթիվ դերասանները համացանցում շնորհավորական հրապարակումներ են արել, որոնցից առանձնացրել ենք մի քանիսը:

«Շնորհավոր Թատրոնի միջազգային օրը»,- ինստագրամյան իր էջում գրել է դերասան Մկրտիչ Արզումանյանը: 

«Շնորհակալություն, թատրոն, որ ինձ հնարավորություն տվեցիր զգալու յուրաքանչյուր հույզ, կենդանի լինելու, ուրախանալու և տխրելու, այն պահերի համար, երբ կարող եմ մոռանալ իրականության մասին և ապրել հարյուրավոր այլ կյանքերով, և այն լույսի համար, որը մնում է իմ հոգում բեմ դուրս գալուց հետո։

Դու ինձ սովորեցնում ես ավելի խորը զգալ, ավելին տեսնել և չվախենալ լինել ինքս ինձ»,- ֆեյսբուքյան իր էջում գրել է դերասանուհի Աննա Մանուչարյանը: 

«Թատրոն, շնորհավոր օրդ. քեզ մաղթում եմ տաղանդներ,շնորհալիներին սիրող ու գնահատողներ, ազնիվ ու բարոյական հաղթանակներ. մաքրի՛ր հեքիաթը պղծողներից, որպեսզի շարունակես արարել, լցնել մարդկանց հոգիները հույզերով, կրթել և սովորեցնել սիրել»,- գրել է դերասանուհի Սիրանուշ Լազյանը:

«Շնորհավորում եմ բոլոր նրանց, ովքեր իրենց ստեղծագործությամբ կյանք են տալիս բեմին, փոխանցում զգացմունքներ, մտքեր ու արժեքներ։ Թատրոնը պարզապես արվեստ չէ․ այն հոգու խոսքն է, հասարակության հայելին ու մտածելու հնարավորություն։ Թող բեմը միշտ լեցուն լինի լույսով, անկեղծությամբ և բարձր արվեստով, իսկ հանդիսատեսը՝ երբեք չկորցնի թատրոնի հանդեպ սերն ու գնահատանքը։ Շնորհավոր Թատրոնի միջազգային օրը»,- ֆեյսբուքյան իր էջում գրել է դերասան Գոռ Համբարձումյանը:

«Թատրոնը կյանք է՝ առանց դադարի, իսկ կյանքը՝ թատրոն՝ առանց փորձի...

Այսօր թատրոնի միջազգային օրն է ...»,- իսնտագրամյան իր էջում գրել է դերասանուհի Անահիտ Կիրակոսյանը:

Հետևեք մեզ՝ այստեղ