ՊԱՏՄՈՒԹՅԱՆ ԱՅՍ ՕՐԸ (17 ՄԱՐՏԻ). Հայաստանը հրաժարվել է մասնակցել ԽՍՀՄ-ի պահպանման վերաբերյալ հանրաքվեին. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Իռլանդիա՝ Սուրբ Պատրիկի օր, Թայլանդ՝ Ազգային Մուայ-Թայ ըմբշամարտի օր։

ՀԱՅ-ՀԱՅԱՍՏԱՆ

1865- ծնվել է լեզվաբան Մանուկ Աբեղյանը։

1962- Թբիլիսիի Խոջիվանքի գերեզմանատունն անվանվել է Հայ մշակույթի գործիչների պանթեոն:

1964 – ծնվել է դերասան Ռոբերտ Հակոբյանը:

1988-Ադրբեջանական ԽՍՀ-ի Շահումյանի շրջանի և Գետաշենի ենթաշրջանի խորհրդային իշխանության ներկայացուցիչները դիմել են վերադաս մարմիններին՝ իրենց ԼՂՀ-ի կազմում ընդգրկելու խնդրանքով։

1991-տեղի է ունեցել ԽՍՀՄ-ի պահպանման վերաբերյալ համամիութենական հանրաքվե, որին մասնակցել են Բելառուսը, Ուկրաինան, Ուզբեկստանը, Ղազախստանը, Ադրբեջանը, Ղրղզստանը, Տաջիկստանը և Թուրքմենիան. Հայաստանի իշխանությունը խոչընդոտել է հանրաքվեի անցկացումն իր տարածքում։

1992-Հայաստանը դիվանագիտական հարաբերություններ է հաստատել Իտալիայի հետ։

1997- վախճանվել է նկարիչ Պետրոս Մալայանը։

2004- նախագահ Ռոբերտ Քոչարյանը Հայաստանի գլխավոր դատախազության կոլեգիայի անդամներին է ներկայացրել գլխավոր դատախազի պաշտոնում վերանշանակված Աղվան Հովսեփյանին:

2011-ընդդիմադիր Հայ ազգային կոնգրեսի՝ Մատենադարանի մոտ սկսված հանրահավաքը շարունակվել է Ազատության հրապարակում, որը 2008 թվականի հետընտրական իրադարձություններից հետո փակ է եղել ընդդիմադիրների հավաքների համար:

2015-Երևանում կայացել է Եվրանեսթի լիագումար նիստը, որտեղ ընդունվել է Ցեղասպանությունը դատապարտող բանաձև։

2023- Երևանի քաղաքապետ Հրաչ յա Սարգսյանը հրաժարական է ներկայացրել:

ԱՇԽԱՐՀ

մ.թ.ա. 45 -տեղի է ունեցել ճակատամարտ հանրապետականների և Կեսարի զորքերի միջև Մունդի մոտ, որը ավարտվել է Կեսարի հաղթանակով, որն էլ իր հերթին փաստացի վերջ է դրել Պոմպեոսի և Կեսարի միջև ծագած քաղաքացիական պատերազմին։

180- վախճանվել է Հռոմեական կայսրության կայսր, Անտոնինոսների հարստության ներկայացուցիչ, ուշ ստոյիկյան դպրոցին պատկանող փիլիսոփա, Էպիկտետոսի հետևորդ, «Խորհրդածություններ» երկի հեղինակ Մարկոս Ավրելիոսը։

461 - վախճանվել է կաթոլիկ սուրբ Պատրիկը։

624 -Բադրայի մոտ տեղի է ունեցել առաջին խոշոր ճակատամարտը մահմեդականների և կուրայշիթների միջև։

1521 -Ֆերնան Մագելանի արշավախումբը, ափ իջնելով Հոմոնհոն կղզիախմբի կղզիներից մեկում, հայտնաբերել է Ֆիլիպինները։

1524 -ծնվել է մայաների քաղաքակրթության ուսումնասիրող, Յուկատանի երկրորդ եպիսկոպոս Դիեգո դե Լենդա Կալդերոնը։

1628 -ծնվել է ֆրանսիացի դասական քանդակագործ Ֆրանսուա Ժիրարդոնը։

1782 - վախճանվել է հանրահայտ շվեյցարացի ֆիզիկոս-մաթեմատիկոս Դանիել Բեռնուլին։

1825 -Սանտա-Դոմինիկա կղզու իսպանական հատվածում հայտարարվել է Դոմինիկյան Հանրապետության ստեղծումը։

1834 -ծնվել է գերմանացի ինժեներ, կոնստրուկտոր, արդյունաբերող Գոտտլիբ Դայմլերը։

1856 - ծնվել է ռուս նկարիչ Միխայիլ Վրուբելը։

1932 -Ֆինլանդիայի կառավարությունն, ի նշան չոր օրենքի թեթևացման, պատվիրել է 875 հազար շիշ սպիրտային խմիչք։

1845 -անգլիացի Սթիվեն Պերրին արտոնագրել է գրասենյակային ռետինը։

1861- ստեղծվել է Իտալիայի Թագավորությունը։

1899-Անգլիայի Քենտ կոմսության Գուդվինի ավազներում խրված կոմերցիոն նավը ուղարկել է աղետի առաջին ռադիոազդանշանը՝ SOS-ը։

1899 - աստղագետ Ուիլ յամ Պիկերինգը հայտնաբերել է Սատուրնի արբանյակ Ֆիբին:

1937 -վախճանվել է բրիտանացի քաղաքական և պետական գործիչ Ժոզեֆ Օստին Չեմբեռլենը։

1950- ԱՄՆ-ում հայտարարվել է Պարբերական աղյուսակի 98-րդ տարրի` կալիֆորնիումի հայտնաբերման մասին։

1959 -Դալայ Լամա 14-րդն իր համախոհների հետ Տիբեթից փախել է հնդկական Դհարամսալա քաղաք, որտեղ էլ կազմավորել է երկրից դուրս գտնվող տիբեթական կառավարություն։

1960 -Ճապոնիայում վաճառքում հայտնվել են բազմագույն ֆլոմաստերներ։

1963- Ինդոնեզիական Բալի կղզում Ագունգ լեռան հրաբխի ժայթքումից զոհվել է մոտ 10 հազար մարդ։

1966 -կայացել է առաջին հրթիռի արձակումը Պլեսեցկ տիեզերակայանից. «Վոստոկ 2» հրթիռակիրը երկրի ուղեծիր է դուրս բերել «Կոսմոս 112» արհեստական արբանյակը։

1973- բացվել է Լոնդոնի կամուրջը։

2004 -Կոսովոյում սկսվել են երկօրյա ջարդերը, որոնց ընթացքում վառվել է 34 վանք և աղոթատեղի։

2023 -Հաագայի միջազգային քրեական դատարանը ձերբակալման օրդեր է տվել Ռուսաստանի նախագահ Վլադիմիր Պուտինի և Ռուսաստանի երեխաների իրավունքներով լիազոր Մարիա Լվով–Բելովայի նկատմամբ:

2024 -Ռուսաստանում տեղի ունեցած նախագահական ընտրություններում վերընտրվել է Վլադիմիր Պուտինը:

Մանրամասները՝ «Փաստ» օրաթերթի այսօրվա համարում