Զելենսկին՝ ՌԴ-ի նկատմամբ նավթային պատժամիջոցների ժամանակավոր վերացման մասին. «Դա, անշուշտ, չի նպաստում խաղաղությանը»

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Ուկրաինայի նախագահ Վլադիմիր Զելենսկին, Փարիզում Ֆրանսիայի նախագահ Էմանուել Մակրոնի հետ համատեղ մամուլի ասուլիսում ելույթ ունենալով,  հայտարարել է, որ ռուսական նավթի նկատմամբ ԱՄՆ պատժամիջոցների ժամանակավոր և մասնակի վերացումն «անշուշտ չի նպաստում խաղաղությանն» Ուկրաինայում։

Մարտի 13-ի գիշերն ԱՄՆ-ն հայտարարեց ռուսական նավթի և նավթամթերքի նկատմամբ պատժամիջոցների 30-օրյա չեղարկման մասին, եթե դրանք արդեն բեռնված են լցանավերի վրա և մարտի 12-ի դրությամբ ծովում են։ Պատժամիջոցներից ժամանակավորապես չեղարկումը պայմանավորված է նավթի գների աճով՝ Իրանի՝ Պարսից ծոցի Հորմուզի նեղուցի շրջափակման պատճառով, որը տեղափոխում է աշխարհի նավթի մինչև 20%-ը։

«Միայն ԱՄՆ-ի պատժամիջոցների այս մեղմացումը կարող է Ռուսաստանին ապահովել մոտ 10 միլիարդ դոլարով պատերազմի համար»,- հայտարարել է Ուկրաինայի նախագահը։ Financial Times-ի հարցմանը մասնակցած փորձագետների կարծիքով՝ Ռուսաստանը Իրանում պատերազմի պատճառով օրական ստանում է մինչև 150 միլիոն դոլար լրացուցիչ եկամուտ, իսկ մարտի վերջին նավթի արտահանումից ստացված լրացուցիչ եկամուտը կարող է հասնել 3,3-4,9 միլիարդ դոլարի։

Զելենսկին Ուկրաինայի արևմտյան դաշնակիցներին պարբերաբար կոչ է անում խստացնելու Ռուսաստանի դեմ պատժամիջոցները՝ դժվարացնելու համար Ուկրաինայի դեմ չորս տարի շարունակվող պատերազմի ֆինանսավորումը։

Հետևեք մեզ՝ այստեղ