Ղազախստանը, Ադրբեջանը և Ուզբեկստանը Կասպից ծովում ստորջրյա մալուխ կանցկացնեն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Ղազախստանի Մաջիլիսը (խորհրդարանը) վավերացրել է Ադրբեջանի և Ուզբեկստանի հետ կանաչ էներգիայի արտադրության և փոխանցման ոլորտում ռազմավարական գործընկերության մասին համաձայնագիրը, հաղորդում է «Սպուտնիկ-Ղազախստան»-ը։

Փաստաթուղթը նախատեսում է ներքին էներգետիկ ենթակառուցվածքների ընդլայնում և նոր էլեկտրահաղորդման գծերի զարգացում։ Այն նաև նախատեսում է կանաչ էներգիայի փոխանցման նախագծի իրականացում՝ Կասպից ծովի հատակով ստորջրյա մալուխ անցկացնելու միջոցով Ուզբեկստանից և Ղազախստանից Ադրբեջան, որին կհաջորդի Սևծովյան էներգետիկ միջանցքին ինտեգրումը և եվրոպական երկրներին էլեկտրաէներգիայի մատակարարումը։

«Փաստաթուղթը շրջանակային համաձայնագիր է և ավտոմատ կերպով չի ենթադրում ֆինանսական կամ այլ պարտավորություններ։ Հատուկ նախագծերը կիրականացվեն առանձին համաձայնագրերի հիման վրա և ազգային օրենսդրության շրջանակում, ինչը նվազագույնի է հասցնում ռիսկերը և ապահովում է համաձայնագրի փուլային իրականացումը»,- ասել է Մաջիլիսի պատգամավոր Էդիլ Ժանբիրշինը։

Համաձայնագիրը նախատեսում է նաև վերականգնվող էներգիայի ներուժի արդյունավետ օգտագործում և մաքուր էլեկտրաէներգիայի առևտրի զարգացում երկու երկրների և եվրոպական երկրների միջև։ Բացի դրանից, Մաջիլիսն ընդգծել է, որ Կենտրոնական Ասիայի և Ադրբեջանի էներգետիկ համակարգերի փոխկապակցվածությունը կապահովվի կանաչ էլեկտրաէներգիայի կայուն և կանխատեսելի արտահանման համար։

Հետևեք մեզ՝ այստեղ