ՊԱՏՄՈՒԹՅԱՆ ԱՅՍ ՕՐԸ (10 ՄԱՐՏԻ). Հացադուլ Երևանի Ազատության հրապարակում, փոփոխություններ արտակարգ դրության մասին հրամանագրում. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Հարավային Կորեա՝ Աշխատանքի օր, Ուկրաինա՝ Հողագործի օր, Ռուսաստան՝ Արխիվների օր, Տիբեթ՝ Տիբեթի ապստամբության օր, Լաոս՝ Ուսուցչի օր, Մյանմա՝ Չոր սեզոնի սկզբի օր։

ՀԱՅ-ՀԱՅԱՍՏԱՆ

1868-առաջին անգամ «Նաում» թատրոնում իտալական օպերային խմբի կողմից հատվածներ են ներկայացվել Չուխաջյանի «Արշակ 2-րդ» օպերայից։

1904- ծնվել է հայ խորհրդային երգահան Լևոն Խոջա-Էյնաթովը։

1926- ծնվել է ժողովրդական արտիստ, դիրիժոր Արամ Քաթանյանը։

1935- ծնվել է հոգևոր երգիչ, բանասեր Խորեն Պալ յանը։

1945- վախճանվել է Հայաստանի Առաջին Հանրապետության երկրորդ վարչապետ Ալեքսանդր Խատիսյանը։

1949 - ծնվել է բուլղարահայ ֆանտաստ գրող Հակոբ Մելքոնյանը։

1986- վախճանվել է ամերիկահայ գրող Արամ Հայկազը։

1988- «Սովետական Ղարաբաղ» օրաթերթը տպագրել է նյութեր, որտեղ հիշատակվել են «Սումգայիթում իրականացված վայրագությունները»։

1992- Հայաստանը դիվանագիտական հարաբերություններ է հաստատել Բելգիայի և Ուզբեկստանի հետ։

2000 - վախճանվել է խորհրդահայ ֆիզիկոս-քիմիկոս, ակադեմիկոս Քրիստափոր Բաղդասարյանը։

2008-ձերբակալվել են Ալեքսանդր Արզումանյանը և Արարատ Զուրաբյանը։

2008- Հայաստանի նախագահ Ռոբերտ Քոչարյանը երկու փոփոխություն է կատարել արտակարգ դրության մասին իր հրամանագրում, և ուժը կորցրած են ճանաչվել որոշ կետեր։

2013-նախագահական ընտրությունների պաշտոնական արդյունքները վիճարկող ընդդիմադիր առաջնորդ Րաֆֆի Հովհաննիսյանը հանրահավաքից հետո հացադուլ է սկսել Երևանի Ազատության հրապարակում։

2015-Ջորջ Քլունին և Ռուբեն Վարդանյանը ազդարարել են նոր մարդասիրական «Ավրորա» մրցանակի ստեղծման մասին, որը նախատեսված էր շնորհելու հանուն ուրիշների փրկության իրենց կյանքը վտանգած մարդկանց։

2020- Ֆուտբոլի Հայաստանի ազգային հավաքականի գլխավոր մարզիչ է նշանակվել իսպանական «Սևիլիայի» նախկին գլխավոր մարզիչ, 64-ամյա Խոակին Կապարոսը:

2021-կտրուկ շրջադարձ է տեղի ունեցել ԶՈՒ շտաբի պետ Օնիկ Գասպարյանին պաշտոնազրկելու պատմության շուրջ. Նիկոլ Փաշինյանը «Ֆեյսբուքում» գրել է, որ Գասպարյանն իրավունքի ուժով համարվում է պաշտոնից ազատված: Դրանից շատ չանցած ուղերձ է տարածել գլխավոր շտաբի պետ Օնիկ Գասպարյանը՝ հայտնելով, որ իր ծառայությունը հայրենիքին շարունակելու է այլ կարգավիճակով և դիմել է վարչական դատարան:

2022- վախճանվել է գրող, արձակագիր, հրապարակախոս, հասարակական-քաղաքական գործիչ Ալվարդ Պետրոսյանը:

ԱՇԽԱՐՀ

1503- ծնվել է Սրբազան Հռոմի կայսր Ֆերդինանդ 1-ինը։

1535- իսպանացի ծովագնացները Խաղաղ օվկիանոսում՝ Էկվադորից 972 կմ դեպի արևմուտք, հայտնաբերել են Գալապագոսյան կղզիները։

1628 -ծնվել է իտալացի բուսաբան և բժիշկ Մարչելլո Մալպինգին՝ բույսերի և կենդանիների միկրոսկոպիկ անատոմիայի հիմնադիրներից մեկը։

1670 -վախճանվել է գերմանացի ալքիմիկոս, դեղագործ և բժիշկ Իոհաննես Գլաուբերը։

1772- ծնվել է գերմանացի բանաստեղծ Ֆրիդրիխ Շլեգելը։

1804- Ֆրանսիան պաշտոնապես Լուիզիանան հանձնել է ԱՄՆ-ին։

1813 -Գերմանիայում սահմանվել է «Երկաթյա խաչ» ռազմական շքանշանը։

1832-վախճանվել է իտալացի կոմպոզիտոր Մուցիո Կլեմենտին։

1861- վախճանվել է ուկրաինացի բանաստեղծ Տարաս Շևչենկոն։

1862 -ԱՄՆ-ի դաշնային կառավարության կողմից երկրում առաջին անգամ թողարկվել են թղթադրամներ։

1872- վախճանվել է իտալացի լրագրող և քաղաքական գործիչ Ջուզեպպե Մացցինին։

1876 -հեռախոսի ատոնագիր ստանալուց երեք օր անց Ալեքսանդր Բելլին վերջապես հաջողվել է զանգել իր օգնական Թոմաս Ուոթսոնին, որը գտնվում էր հարևան սենյակում։

1879-ծնվել է գերմանացի գրող Յակով Վասերմանը։

1893 -Փղոսկրի Ափը դարձել է ֆրանսիական գաղութ։

1905- Լոնդոնում հիմնադրվել է «Չելսի» անգլիական ֆուտբոլային ակումբը։

1910 -Չինաստանում արգելվել է ստրկությունը։

1920- ծնվել է ֆրանսիացի գրող և դրամատուրգ Բորիս Վիանը։

1940 - ծնվել է ամերիկացի ճանաչված կինոդերասան և մարտարվեստների վարպետ Չակ Նորիսը։

1940- վախճանվել է ռուս գրող և դրամատուրգ Միխայիլ Բուլգակովը։

1945- ԱՄՆ-ի ռազմաօդային ուժերը ռմբակոծել են Ճապոնիայի մայրաքաղաք Տոկիոն, ինչի հետևանքով զոհվել է մոտ 100 հազար մարդ։

1952 -Կուբայում Ֆուլխենստինո Բատիստան իրականացրել է հեղաշրջում և իրեն հռչակել «ժամանակավոր նախագահ»։

1953- «New York Herald Tribune» թերթում առաջին անգամ տպագրվել է հանրահայտ «սմայլիկի» նախատիպը։

1958- ծնվել է դերասանուհի Շերոն Սթոունը։

1967 -ԱՄՆ-ի ավիացիան իրականացրել է Հյուսիսային Վիետնամի արդյունաբերական օբյեկտների առաջին հզոր ռմբակոծությունը։

1970 -նպատակ ունենալով դադարեցնել թեոլոգիական խմորումները և խթանել էմիգրացիան՝ Իսրայելի Քնեսեթը որոշել է, որ հրեաներ են համարվում ոչ միայն «հրեուհուց ծնվածները», այլ նաև բոլոր այն ոչ հրեաները, որոնք ընդունել են հուդայականությունը։

1977-ԱՄՆ-ի, Ավստրալիայի, Հնդկաստանի, ՀԱՀ-ի աստղագետների մի քանի խմբեր հայտնաբերել են Ուրանի օղակները։

1982 -տեղի է ունեցել մոլորակների քիչ հանդիպող շքերթ. բոլոր 9-ը մոլորակները հավաքվել են Արեգակից այն կողմ 95 աստիճանի սեկտորում։

2001 - վախճանվել է «Ի՞նչ, Որտե՞ղ, Ե՞րբ» հեռուստահաղորդման հեղինակ, ռեժիսոր, հեռուստահաղորդավար Վլադիմիր Վորոշիլովը։

2018 -վախճանվել է ֆրանսիացի մոդելիեր, «Givenchy» մոդելային տան հիմնադիր Յուբեր դե Ժիվանշին։

Մանրամասները՝ «Փաստ» օրաթերթի այսօրվա համարում