Ինչպես երկար պահպանել հագուստի որակը․ 7 կարեւոր խորհուրդ

Մեզանից յուրաքանչյուրը հաստատ սիրելի հագուստ ունի, եւ որքան էլ նոր հագուստ գնենք, միեւնույնն է, ավելի հաճախ այն հինն ենք կրում։ Իսկ որքան հաճախ ենք կրում հագուստը, այնքան հաճախ ենք լվանում, հետեւաբար՝ այն շուտ է փչանում։ Քան մի քանի հեշտ միջոցներ, որոնք թույլ են տալիս հագուստի որակը հնարավորինս երկար պահել։

1, Լվացք Մինչ հագուստը լվացքի մեքենան դնելը դրանք շրջեք հակառակ կողմով եւ սառը ջրով թեթեւ լվացեք կամ պարզապես թրջեք։ Դա թույլ կտա ավելի երկար պահպանել գույները։

2, Զգեստապահարանում Աշխատեք հագուստը կախել որոշակի տարածության վրա, ինչպես նաեւ խուսափեք երկաթից կամ մետաղից կախիչներից, դրանք վնասում են կտորը։ Ընտրեք պլաստմասսե կամ փայտյա կախիչներ, որոնք կտորով փաթաթված են։

3, Լվացքի կոնդիցիոներ Հատուկ կոնդիցիոներները փափկացնում են լվացքի մեքենայի ջուրն ու հագուստին հաճելի բույր հաղորդում։ Սակայն հիշեք, որ դրանք կարող են հագուստի վրա հետքեր թողնել։ Միշտ սովորական ջրով բացեք կոնդիցիոները, նոր լցրեք լվացքի մեքենայի մեջ։

4, Թերություններ Եթե տեսել եք, որ հագուստի վրա փոքրիկ անցք կա կամ կարերը սկսում են քանդվել, անմիջապես այն կարեք։ Որքան երկար թողնեք այդպես, այնքան այն կվնասվի։

5, Ստուգեք կոճակները Թելը, որով կարված են կոճակները, հաճախ է պոկվում կամ թույլ է կարված լինում։ Դրա համար նախքան հագուստը լվացքի մեքենան դնելը ստուգեք, թե արդյոք կոճակներն ամուր են կարված, թե ոչ։ Հակառակ դեպքում հագուստը քամելիս այն կարող է պոկվել։

6, Հետքեր Հագուստի վրա հաճախ են ուտելիքի, խմիչքի եւ այլ հետքեր հայտնվում։ Դուք շատ ավելի հեշտ դրանցից կազատվեք, եթե անմիջապես հետքը հայտնվելուց հետո լվանաք այն։ Եթե հետքերը ձեռքով լվանալիս չեն անցնում, ավելի լավ է՝ տաք հատուկ մաքրման։

7, Կախիչների վրա Լավ կլինի, եթե սվիտերները կախիչների վրա չկախեք, դրանք դեֆորմացվում են։ Ավելի լավ է դրանք ծալեք եւ տեղավորեք դարակներում։