ՊԱՏՄՈՒԹՅԱՆ ԱՅՍ ՕՐԸ (31 հունվարի). Բազմահազարանոց ցույց Երևանում, մահափորձ քաղաքական գործչի դեմ. «Փաստ»

«Փաստ» օրաթերթը գրում է.

ՀԱՅ–ՀԱՅԱՍՏԱՆ

1860 – ծնվել է գրող, հասարակական գործիչ, հրատարակիչ Ատրպետը։
1898 – ծնվել է բժիշկ–ուրոլոգ Արամ Աբրահամյանը։
1920 – Ալեքսանդրապոլի (այժմ՝ Գյումրի) առևտրային դպրոցի շենքում մեծ շուքով կայացել է Հայաստանի համալսարանի բացման հանդիսավոր արարողությունը։
1931 – ծնվել է նկարիչ Ռաֆայել Աթոյանը։
1931 – ծնվել է բժիշկ, դեղաբան Էմիլ Գաբրիելյանը։
1965 – վախճանվել է ֆրանսահայ բանաստեղծ Ահարոն Տատուրյանը։
1992 – Լեռնային Ղարաբաղում ադրբեջանցիները սկսել են ռազմատեխնիկայի օգտագործմամբ զանգվածային հարձակողական գործողություններ մի քանի ուղղություններով։
1992 – Հայաստանը դիվանագիտական հարաբերություններ է հաստատել Գերմանիայի հետ։
1994 – Ղարաբաղյան պատերազմի ընթացքում ադրբեջանցիները ձեռնարկել են Հորադիզյան օպերացիան, որի արդյունքում գրավվել է Հորադիզը, իսկ Օմարի լեռնանցքի համար մղվող մարտերի արդյունքում Քելբաջարի ամբողջ շրջանն անցել է հայկական ուժերի վերահսկողության տակ։
1998 – գնաճի պատճառով Երևանում տեղի է ունեցել 50 հազարանոց ցույց։
2002 – կառավարության նիստում ընդունվել է «Նաիրիտին» առնչվող հերթական որոշումը, ըստ որի այն հավատարմագրային կառավարման է հանձնվել Մեծ Բրիտանիայում գրանցված հնդկական «Ռանսալթ» ընկերությանը։
2012 – ֆրանսիացի 76 սենատոր դիմել է Սահմանադրական խորհուրդ՝ պահանջելով արգելափակել Հայոց ցեղասպանության ժխտման համար քրեական պատիժ սահմանող օրենքը։
2013 – Երևանի Տպագրիչների փողոցում մահափորձ է իրականացվել նախագահի ընդդիմադիր թեկնածու Պարույր Հայրիկյանի դեմ, որը մարմնական վնասվածքներով տեղափոխվել է Սուրբ Գրիգոր Լուսավորիչ բժշկական կենտրոն։
2015 – «100–ամյակն առանց ռեժիմի» նախաձեռնության շրջանակներում «Հիմնադիր խորհրդարանի» դեպի Լեռնային Ղարաբաղ մեկնող ավտոերթի մասնակիցները Բերձորի մոտ անհայտ անձանց կողմից հարձակման և ծեծի են ենթարկվել։

ԱՇԽԱՐՀ

1543 – ծնվել է Ճապոնիայի կառավարիչ, Տոկուգավա սյոգունների դինաստիայի հիմնադիր Տոկուգավա Իեյասուն։
1714 – Ռուսաստանի ցար Պետրոս I–ը հրամանագիր է հրապարակել, ըստ որի ազնվականների այն երեխաները, որոնք չեն սովորել թվեր ու երկրաչափություն և չունեն գիտելիքներ, չեն կարող ամուսնանալ։
1715 – ծնվել է ֆրանսիացի փիլիսոփա–մատերիալիստ Կլոդ Ադրիան Հելվեցիուսը։
1797 – ծնվել է ավստրիացի կոմպոզիտոր Ֆրանց Շուբերտը։
1836 – վախճանվել է բրիտանացի ռազմական բժիշկ Ջոն Չեյնը, որի անունով է կոչվում «Չեյն–Ստոքսյան շնչառության» համախտանիշը։
1864 – Մոսկվայում հաճախորդների համար բացվել է Ռուսաստանում առաջին հասարակական կենդանաբանական այգին՝ Մոսկվայի գազանանոցը։
1890 – ծնվել է չեխ նշանավոր գրող, արձակագիր և դրամատուրգ Կարել Չապեկը։
1911 – ծնվել է բուլղարուհի կույր գուշակ Վանգան։
1912 – «Նյու Յորք իվնինգ ջըրնալ» թերթում աշխարհում առաջին անգամ տպագրվել է կոմիքսների էջ։
1921 – սկսվել է գյուղացիական ապստամբություն Սիբիրում (Իշիմյան ապստամբություն)՝ խորհրդային տնտեսական քաղաքականության դեմ։
1924 – ընդունվել է ԽՍՀՄ առաջին Սահմանադրությունը։
1929 – ծնվել է գերմանացի ֆիզիկոս–փորձարար, Նոբելյան մրցանակի դափնեկիր Ռուդոլֆ Լյուդվիգ Մյոսբաուերը։
1932 – Մագնիտոգորսկի մետալուրգիական գործարանում սկսել է գործել առաջին դոմնային վառարանը։
1935 – ծնվել է ճապոնացի գրող, գրականության Նոբելյան մրցանակակիր Կենձաբուրո Օենը։
1941 – Երկրորդ համաշխարհային պատերազմի ժամանակ սկսվել է Կուֆրայի ճակատամարտը՝ «Ազատ Ֆրանսիայի» ուժերի առաջին մարտերից մեկը։
1943 – Ստալինգրադի մոտ գերի է հանձնվել գերմանական ֆելդմարշալ Պաուլյուսը։
1953 – Հյուսիսային ծովում ջրհեղեղի հետևանքով զոհվել է 2551 մարդ, մոտ 100 հազարը մնացել է անօթևան։
1955 – ԱՄՆ–ում առաջին անգամ ցուցադրվել է երաժշտական սինթեզատոր։
1958 – արձակվել է «Էքսպլորեր–1»–ը՝ առաջին ամերիկյան արբանյակը։
1968 – աշխարհի ամենափոքր կղզի պետությունը՝ Նաուրուն, հռչակել է անկախությունը։
1981 – ծնվել է ամերիկացի երգիչ և դերասան Ջասթին Թիմբերլեյքը։
1990 – Մոսկվայի Պուշկինյան հրապարակում բացվել է ԽՍՀՄ–ի առաջին McDonald’s–ը։
2009 – Ռուսաստանի Կոմիի երկրամասում Վետերանների տան հրդեհի հետևանքով զոհվել են այնտեղ բնակվող բոլոր 23 ծերերը։

Մանրամասները՝ «Փաստ» օրաթերթի այսօրվա համարում