Արագածոտնում խոշոր վթարից վիրավորներից 3–ին տեղափոխել են Երևան, 3–ին՝ Աշտարակ, ևս 4–ը Թալինում են

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Հունվարի 27–ին, Թալին-Բազմաբերդ ավտոճանապարհին տեղի ունեցած շղթայական վթարից տուժածներից երեքին տեղափոխել են Երեւանի բժշկական կենտրոններ։ Այս մասին հայտնեց ԱՆ խոսնակ Մարիամ Ծատրյանը։

Երեւան տեղափոխվածների վիճակի մասին մանրամասներ այս պահին հայտնի չեն։

Թալինի ԲԿ–ից մեզ հայտնեցին, որ 4 հոգի իրենց մոտ են գտնվում, նրանց կյանքին վտանգ չի սպառնում։ 

Վթարից հետո 3 քաղաքացի տեղափոխվել է Աշտարակի ԲԿ, թեթեւ վնասվածքներով, բուժօգնություն ստանալուց հետո նրանք դուրս են գրվել։ Տուժածներից 1-ը Ներքին Բազմաբերդ գյուղից է, նրա մոտ թեթեւ վնասվածք է եղել։ Մեր տեղեկություններով՝ 2 հոգի Գյումրի քաղաքից են։ 

Ավելի վաղ հայտնել էինք, որ այսօր՝ հունվարի 27-ին, Երևան-Գյումրի ավտոճանապարհի 51-55-րդ կմ-երի հատվածում տեղի են ունեցել ավտովթարներ․ բախվել է ընդհանուր 15 ավտոմեքենաներ։ Մինչ փրկարարների կանչի վայր հասնելը՝ երկու քաղաքացի տեղափոխվել է բժշկական կենտրոն, որտեղ նրանց առողջական վիճակը գնահատվել է բավարար։

Փրկարարները հատուկ տեխնիկյի օգնությամբ 2 քաղաքացու դուրս են բերել «Ford» մակնիշի ավտոմեքենաներից, մոտեցրել շտապօգնության մեքենային և կատարել ճանապարհի լվացման աշխատանքներ։

Շտապօգնության ծառայության Արագածոտնի մարզային կայանի բրիգադներն այսօր առավոտից աշխատում են գերծանրաբեռնված՝ բուժօգնություն տրամադրելով Թալին-Բազմաբերդ ավտոճանապարհին տեղի ունեցած շղթայական վթարից տուժածներին։

Առողջապահության նախարար Անահիտ Ավանեսյանն իր հերթին հայտնել է, որ 10 քաղաքացի հոսպիտալացվել է. հիմա բուժզննման փուլում են, կան ծանր դեպքեր:

Հետևեք մեզ՝ այստեղ