Աստղեր, որոնք ամուսնացել են Սուրբ Վալենտինի օրը (լուսանկարներ)

Սուրբ Վալենտինի տոնին ոչ բոլոր երկրներում են լավ վերաբերվում։ Շատ երկրներում նշում են, որ սա կաթոլիկների տոն է, պետք չէ այն նշել եւ այլն։ Սակայն ընդհանուր առմամբ, տոնը սիրելի է բոլոր սիրահարների համար, եւ նրանք մեծ հաճույքով սպասում են դրան։ Իսկ եթե այդ օրը նաեւ ձեր հարսանիքն է, տոնը կրկնակի է դառնում։ Ահա այն աստղերը, որոնք որոշել են իրենց հարսանիքն անել հենց այդ օրը՝ փետրվարի 14-ին։

Պամելա Անդերսոն եւ Թոմի լի

Սիրահար զույգը ամուսնացել է հենց այս օրը՝ լողափին։ Նրանց հագին լողազգեստ էր՝ հարսանեկան զգեստների փոխարեն։ Բուռն սիրո եւ կրքի մեջ ապրելուց 3 տարի անց զույգը հայտարարեց, որ բաժանվում է։

Շարոն Սթոուն եւ Ֆիլ Բրոնշտեյն

Ոչ ոքի համար գաղտնի չէ, որ նրանք վաղուց բաժանվել են, սակայն չգիտեն, որ ամուսնացել էին հենց Վալենտինի օրը։ Ռոմանտիկ հարսանիքին հաջորդեց համատեղ 6 տարիների կյանք։

Հարիսոն Ֆորդ եւ Կալիստա Ֆլոկհարդ

Նրանք հանդիպեցին «Ոսկե գլոբուսի» մրցանակաբաշխությանը՝ 2002-ին, եւ 7 տարի Կալիստան ամուսնության առաջարկի էր սպասում։ Ի վերջո, Ֆորդը 2009-ի փետրվարի 14-ին նրան առաջարկություն արեց, իսկ մեկ տարի անց՝ կրկին Սուրբ Վալենտինի օրը, նրանք ամուսնացան։ Նշենք, որ Հարիսոն Ֆորդը կնոջից 23 տարով մեծ է։

Սալմա Հայեկ եւ Ֆրանսուա-Անրի Պինո

Գեղեցկուհի դերասանուհին եւ ֆրանսիացի բիզնեսմենը ամուսնացան Փարիզում՝ Սուրբ Վալենտինի օրը։ Սա ամենառոմանտիկ հարսանիքներից մեկն էր։

Դմիտրի Դյուժեւ եւ Տատյանա Զայցեւա

Ռուս հայտնի դերասանը եւ նրա ընկերուհին ամուսնացան 2008-ի փետրվարի 14-ին։ Ձնակույտերի պատճառով նրանք ԶԱԳՍ-ից ուշացել էին, սակայն այնտեղ, ներողամիտ գտնվելով, նրանց ի վերջո ամուսնացրին։

Պատրաստեց Past.am-ը: