Արագածոտնի ոստիկաններն ապօրինի ձեռնարկատիրական գործունեության դեպք են բացահայտել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Քրեական ոստիկանության Արագածոտնի մարզային վարչությունում օպերատիվ տեղեկություններ էին ստացվել, որ Աշտարակ քաղաքի 43-ամյա բնակիչը կեղծ օղիներ է ձեռք բերում և վաճառում: Ձեռնարկված միջոցառումների արդյունքում պարզվել է, որ նա կեղծ օղիները ձեռք է բերել Արարատի մարզի Նոր Խարբերդ գյուղի 23-ամյա և 48-ամյա երկու բնակիչներից: Պարզվել է նաև, որ նորխարբերդցի հայր և որդին տևական ժամանակ գյուղի 10-րդ փողոցի 1-ին նրբանցքի հասցեներից մեկում իրականացնում են կեղծ խմիչքների շշալցում և իրացնում:

Հունվարի 14-ին 43-ամյա աշտարակցին հայտնաբերվել, ձերբակալվել և իր վարած «Միցուբիշի» մեքենայով հանդերձ՝ տեղափոխվել է Քրեական ոստիկանության Արագածոտնի մարզային վարչություն, որտեղ պարզվել է, որ մեքենայում կան տարբեր տեսակի կեղծ օղիներ, ինչն իրացնելու նպատակով ձեռք էր բերել Նոր Խարբերդ գյուղի բնակիչներից:

Հետագա միջոցառումների արդյունքում Մասիս քաղաքի Հերացու փողոցում հայտնաբերվել, ձերբակալվել և մարզային վարչություն են տեղափոխվել նաև Նոր Խարբերդի բնակիչները: Բացատրական աշխատանքի արդյունքում 23-ամյա երիտասարդը հայտնել է, որ զբաղվում են կեղծ օղիների շշալցմամբ և իրացմամբ:

Ապօրինի ձեռնարկատիրությամբ զբաղվող տղամարդիկ կազմված փաստաթղթերի հետ ներկայացվել են նախաքննական մարմին:
Նախաձեռնվել է քրեական վարույթ:

Աշտարակի բնակիչ 43-ամյա տղամարդու «Միցուբիշի» մակնիշի մեքենայի զննությամբ հայտնաբերվել են 114 շիշ տարբեր տեսակի օղիներ, իսկ նրա բնակության հասցեում՝168 շիշ օղի:

Քրեական վարույթի շրջանակում հունվարի զննություն է կատարվել նաև Նոր Խարբերդ գյուղի 10-րդ փողոցի 1-ին նրբանցքում գտնվող շինությունում: Հայտնաբերվել են 51 շիշ կոնյակ, պլաստմասե տարաներով 10 լիտր կոնյակ, 10 լիտր օղու սպիրտ, տարբեր խմիչքների պիտակներ և ակցիզային դրոշմապիտակներ, տարբեր սարքեր, շշեր և այլն:

Հունվարի 15-ին զննություն է կատարվել նաև պահպանվող հատուկ տարածք տեղափոխված նրա «Ֆորդ» մակնիշի մեքենայում:

Հայտնաբերվել են 194 շիշ կոնյակ և օղի, ինչպես նաև օղու պիտակներ:

Նախաքննությունը շարունակվում է:

ՆԳՆ ոստիկանություն

Հետևեք մեզ՝ այստեղ