20 կետանոց խաղաղության ծրագիրը 90%-ով պատրաստ է, ներառում է չորս կողմ․ Զելենսկի

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

20 կետանոց խաղաղության ծրագիրը 90%-ով պատրաստ է, անվտանգության երաշխիքները կքննարկենք Թրամփի հետ, լրագրողներին ասել է Ուկրաինայի ղեկավար Վոլոդիմիր Զելենսկին։

«20 կետանոց ծրագիրը, որի վրա մենք աշխատում ենք, 90%-ով պատրաստ է։ Մեր խնդիրն է ապահովել, որ ամեն ինչ 100%-ով պատրաստ լինի։ Դա հեշտ չէ, և ոչ ոք չի ասում, որ այն 100%-ով պատրաստ կլինի անմիջապես։ Այնուամենայնիվ, մենք պետք է յուրաքանչյուր հանդիպման, յուրաքանչյուր զրույցի միջոցով մոտեցնենք ցանկալի արդյունքին», - ասել է Զելենսկին։

Ուկրաինայի առաջնորդը նշել է, որ Կիեւն այժմ ամեն օր աշխատում է խաղաղության ծրագրի շրջանակներում հինգ փաստաթղթերի վրա։ Մասնավորապես, դրանք անվտանգության երաշխիքների վերաբերյալ մի քանի երկկողմ համաձայնագրեր են, այդ թվում՝ Ուկրաինայի և Միացյալ Նահանգների միջև համաձայնագիրը, որը «գրեթե պատրաստ է»։

Զելենսկին նշել է, որ պատրաստ է որոշակի համաձայնագրեր ստորագրել, բայց դա «պետք է արվի բոլոր կողմերի համաձայնությամբ»։

«Մենք ունենք 20 կետից բաղկացած ծրագիր, և այն ներառում է չորս կողմ՝ Ուկրաինա, Ամերիկա, Ռուսաստան և Եվրոպա: Իհարկե, այս ծրագիրը չի կարող ստորագրվել առանց Ռուսաստանի և եվրոպացիների: Այնուամենայնիվ, մենք ունենք երկկողմ համաձայնագրեր: Մենք պետք է դրանք կրկին քննարկենք և... կարծում եմ, որ որոշակի հարցերի վերաբերյալ որոշ բաներ արդեն կարելի է վերջնականապես որոշել»,- ընդգծել է նա։

Հետևեք մեզ՝ այստեղ