ԱՄՆ-ը նոր պատժամիջոցներ է պատրաստում ռուսական նավթի դեմ, եթե Պուտինը հրաժարվի խաղաղ գործարքից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Դոնալդ Թրամփի վարչակազմը նոր պատժամիջոցներ է նախապատրաստում ռուսական էներգետիկ հատվածի դեմ՝ Վլադիմիր Պուտինի վրա ճնշումն ուժեղացնելու նպատակով, եթե վերջինս հրաժարվի ընդունել ԱՄՆ-ի կողմից մշակված խաղաղության պլանը։

Ինչպես հայտնում է Bloomberg-ը՝ հղում անելով իրավիճակին ծանոթ աղբյուրներին, նոր պատժամիջոցները կարող են սահմանվել արդեն հաջորդ շաբաթ։ Դրանք կթիրախավորեն «ստվերային նավատորմի» նավերը, ինչպես նաև այն առևտրային ընկերությունները, որոնք Ռուսաստանն օգտագործում է նավթը գնորդներին հասցնելու համար։

Գործակալության զրուցակիցների փոխանցմամբ՝ Թրամփի մշակած խաղաղության պլանը նախկինի պես համաձայնեցված չէ առանցքային հարցերի շուրջ։ Տարաձայնությունները պահպանվում են Դոնբասի ճակատագրի վերաբերյալ, որը Կրեմլը պահանջում է ամբողջությամբ, ինչպես նաև Զապորոժիեի ատոմակայանի և Եվրոպայում սառեցված ռուսական ակտիվների ապագայի շուրջ։ Խաղաղության պլանում ներառված է նաև Ուկրաինայում եվրոպական զինվորականների տեղակայումը, ինչը Ռուսաստանը նախկինում կատարողականորեն մերժել է։

Պուտինի վրա ճնշում գործադրելու համար պատժամիջոցներ կիրառելու որոշումը դեռևս կայացված չէ և կախված է Դոնալդ Թրամփից, նշել են Bloomberg-ի աղբյուրները

Ամերիկյան պատժամիջոցների նախորդ փուլը, որը տեղի է ունեցել հոկտեմբերի վերջին, թիրախավորել է «Ռոսնեֆտ» և «Լուկօյլ» ընկերություններին՝ Ռուսաստանի երկու խոշորագույն նավթային հսկաներին, որոնց բաժին է ընկնում արդյունահանման և արտահանման յուրաքանչյուր երկրորդ բարելը։ Չնայած դրանց «սև ցուցակներում» հայտնվելուն՝ այդ ամենը կաթվածահար չի արել ռուսական նավթի արտահանումը, սակայն ՌԴ-ից մատակարարվող նավթի գները կտրուկ անկում են ապրել։

Argus-ի տվյալներով՝ դեկտեմբերի կեսերին Urals տեսակի նավթի մեկ բարելը Բալթիկ ծովի նավահանգիստներում վաճառվել է 40,1 դոլարով, իսկ Սև ծովով բեռնաթափման դեպքում՝ 38 դոլարով։ Sber-ի վերլուծաբանների համաձայն՝ Urals-ի զեղչերը Brent տեսակի նավթի նկատմամբ հասել են 24-26 դոլարի՝ մեկ բարելի դիմաց, իսկ դրա արժեքը նվազել է մինչև 2020 թվականի նվազագույն մակարդակին։ Երկու ամսվա ընթացքում Urals-ի զեղչերն աճել են 2-3 անգամ, իսկ գնանշումները նվազել են 28%-ով։

Հետևեք մեզ՝ այստեղ