«Ես իմ ամուսնու մայրն եմ. ամեն ինչ կախված է ինձնից». Սամոյլովան իր և Ջիգանի ամուսնությունից նոր մանրամասներ է բացահայտել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օքսանա Սամոյլովան, որն այժմ ամուսնալուծության գործընթացի մեջ է Դենիս Ուստիմենկո-Վայնշտեյնի (Ջիգան) հետ, առաջին անգամ մանրամասն խոսել է այն մասին, թե իրականում ինչ էր կատարվում իրենց ընտանիքում։

«Լինելով Ջիգան և Օքսանա» ռեալիթի շոուի նոր դրվագում, որը նկարահանվել է պաշտոնական ամուսնալուծությունից առաջ, 37-ամյա Սամոյլովան խոստովանել է, որ ամուսնու հետ իր հարաբերությունները վաղուց դադարել են լինել զուգընկերային։ Նրա խոսքով՝ նրանց միջև «հուզական շփումը լիովին անհետացել է»։

«Այս պահին ամեն ինչ վատ է։ Մենք ընդհանրապես չենք զգում միմյանց։ Բոլորն ինձ ասում են. «Դու ուժեղ ես, սուպերկին, օրինակ»։ Բայց ես մայր եմ իմ երեխաների համար, մայր եմ իմ ծնողների համար և... մայր եմ իմ ամուսնու համար։ Ես չեմ կարող այսպես շարունակել։ Ես ուզում եմ ընտրել ինքս ինձ»,-ասել է Սամոյլովան։

Նա նախկինում հայտարարել էր, որ 40-ամյա Ջիգանը գրեթե չէր մասնակցում երեխաների կյանքին, ինչի պատճառով ինքը մենակ էր ուսերին կրում տնային գործերի և նրանց մեծացնելու բեռը։

Հիշեցնենք, որ զույգն ամուսնացել է 2012 թվականին։ Այս տարվա հոկտեմբերին Սամոյլովան ամուսնալուծության դիմում է ներկայացրել, չնայած շատ հետևորդներ սկզբում կարծում էին, որ դա նոր ռեալիթի շոուի «գովազդ» է։ Օքսանան հերքել է այս ենթադրությունները՝ նշելով, որ իր որոշումը վերջնական է։

Զույգն ունի չորս երեխա։ Նրանք ունեն նախնական համաձայնագիր, որը կկարգավորի նրանց համատեղ ունեցվածքի բաշխումը։

Հետևեք մեզ՝ այստեղ