Անսպասելի էվոլյուցիա. շների ուղեղը մեծանում է՝ ընտելացման դասական տեսություններին հակառակ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վերջերս Evolution ամսագրում հրապարակված հետազոտությունը պարզել է, որ ժամանակակից շների ցեղատեսակները մի փոքր ավելի մեծ ուղեղ ունեն, քան հին ցեղատեսակները։

Հունգարացի եւ շվեդ գիտնականները վերլուծել են 159 ցեղատեսակների ավելի քան 850 շների համակարգչային տոմոգրաֆիաները եւ համեմատել դրանք 48 գայլերի ուղեղի հետ։

Չնայած շները, որպես կանոն, ավելի փոքր գլուխ ունեն, քան նմանատիպ քաշ ունեցող գայլերը (այսինքն՝ նրանք դեռեւս ունեն ավելի փոքր բացարձակ ուղեղի ծավալ), զարմանալիորեն պարզվել է, որ որքան ցեղատեսակի գենետիկական տարբերությունը գայլից մեծ է, այնքան մեծ է նրա ուղեղի հարաբերական ծավալը։

Հեղինակները նշել են, որ ուղեղի ծավալի աճը չի կարող բացատրվել ավանդական գործոններով՝ ցեղատեսակի մասնագիտացմամբ (որսորդություն, պահակություն), գանգի ձեւով, կյանքի տեւողությամբ կամ ձագի չափսով։

Հետազոտողները ենթադրել են, որ պատճառը կարող են լինել շների փոփոխվող կենսապայմանները՝ ավելի բարդ սոցիալական միջավայր (քաղաքներ, մարդկանց հետ սերտ շփում, բազմազան միջավայր), ճանաչողական եւ սոցիալական պահանջների աճ. հնարավոր է, որ այս ճնշումը ստիպում է ուղեղին մեծանալ։

Սա վկայում է այն մասին, որ ընտելացումը միշտ չէ, որ նշանակում է պարզեցում։ Շների դեպքում նոր պայմանները եւ մարդկանց հետ փոխազդեցությունները կարող են հանգեցնել հակադարձ էվոլյուցիայի. ուղեղը սկսել է «նորից աճել»՝ նոր խնդիրները հաղթահարելու համար։

Հետևեք մեզ՝ այստեղ