Բժիշկները զգուշացնում են. լույսը միացված վիճակում քնելը մեծացնում է կաթվածի առաջացման ռիսկը

Լույսը միացված վիճակում քնելը կարող է լուրջ առողջական խնդիրների հանգեցնել: Սրտաբան Է. Անենին, Huffpost-ի հետ զրույցում , նշել է, որ գիշերային լույսը կարող է մեծացնել սրտի և անոթային հիվանդությունների առաջացման ռիսկը:

Նա հիշեցրեց JAMA Network Open- ում վերջերս հրապարակված մի հրապարակում , որտեղ հետազոտողները եզրակացրել էին, որ քնի ընթացքում արհեստական ​​լույսը կապված է սրտի անբավարարության, նախասրտերի ֆիբրիլյացիայի, սրտի իշեմիկ հիվանդության, սրտի կաթվածի և ուղեղանոթային վթարների ռիսկի բարձրացման հետ։

Մասնագետի խոսքով՝ հիմնական մեխանիզմներից մեկը կապված է ցիրկադային ռիթմի խանգարման հետ։ Գիշերը լույսը խանգարում է օրգանիզմի արթնության և հանգստի բնականոն ցիկլին, ինչը հանգեցնում է քնի որակի վատթարացմանը և քնի տևողության կրճատմանը։ Անենին ընդգծեց, որ քնի պակասը և քնի խանգարումները վաղուց կապված են սրտանոթային հիվանդությունների ռիսկի բարձրացման հետ։

Սրտաբանը նաև նշել է տղամարդկանց և կանանց օրգանիզմի արձագանքի տարբերություններ: Բժշկի խոսքով՝ կանայք ավելի զգայուն են լույսի ազդեցության նկատմամբ, որը խաթարում է ցիրկադային գործընթացները: Նա պարզաբանեց, որ գիշերային հերթափոխով աշխատող կանայք ավելի հակված են սրտային անբավարարություն զարգացնելու, քան նմանատիպ աշխատանքային գրաֆիկ ունեցող տղամարդիկ:

Նյութը հրապարակման պատրաստեց Past.am-ը