Ի՞նչ է այսօր Փաշինյանն անում Հայաստանի հետ. «Փաստ»

«Փաստ» օրաթերթը գրում է.

wsem.ru–ն «Ի՞նչ է այսօր Փաշինյանն անում Հայաստանի հետ» վերնագրով հոդվածում գրում է, որ 2022 թվականին Փաշինյանն անձամբ (Պրահայում Մակրոնի և Շոլցի հովանու ներքո) ստորագրեց հայտարարություն, որով Ղարաբաղը ճանաչեց Ադրբեջանի մաս։

Եվ հիմա Փաշինյանը, ինքը հանձնելով Ղարաբաղը, մեղադրում է Ռուսաստանին դրա համար և դիմում է Արևմուտքին։ Ինչո՞ւ: Պատասխանը պարզ է։ 2018 թվականին Արևմուտքի օգնությամբ Հայաստանում տեղի ունեցավ «թավշյա հեղափոխություն»՝ դասական պետական հեղաշրջում։ Իշխանության եկավ արևմտամետ խամաճիկը՝ Նիկոլ Փաշինյանը։ Հայաստանը փոքր երկիր է՝ առանց ռեսուրսների և շրջապատված թշնամիներով։ Միակը, որին նա պետք է, Ռուսաստանն է։ Բայց Փաշինյանը, աղոթելով Արևմուտքին, ամեն ինչ դեն է նետում՝ պատմությունը, դաշնակցին, տնտեսությունը։ Նրա կինը մարդասիրական օգնություն է հասցնում Ուկրաինային։ Ադրբեջանի նախագահ Ալիևը պարզապես օգտվեց իրավիճակից։ Նա տեսավ, որ Արևմուտքը չի օգնի Հայաստանին (նրանց Հայաստանը պետք չէ, նրանք միայն ուզում են Ռուսաստանի համար վատ լինի), իսկ Փաշինյանն ինքը վանում է Ռուսաստանին։ Այսպիսով, Ալիևը պարզապես վերցրեց Ղարաբաղը։ Հիմա Փաշինյանը փորձում է շանտաժի ենթարկել Ռուսաստանին. «Եթե մեզ բավականաչափ չսիրեք, մենք կմիանանք ՆԱՏՕ-ին»։ Սակայն, ինչպես ասել է Պուտինը, Հայաստանն ինքնիշխան երկիր է։ Եթե նրանք դա են ուզում, դա իրենց իրավունքն է, բայց դա աշխարհաքաղաքական ինքնասպանություն է։ ՆԱՏՕ-ին միանալով՝ Հայաստանը ոչ միայն խզում է Ռուսաստանի հետ դարավոր բարեկամությունը, այլ նաև թիրախավորվում է իրանական հրթիռներով, քանի որ Իրանը դա համարում է ուղղակի սպառնալիք իր համար։

Փաշինյանը, այսպես ասած, անհավատարիմ կին է, որը լքել է ամուսնուն, դարձել անցանկալի և այժմ փորձում է շանտաժի ենթարկել նրան՝ ստիպելով ուշադրություն դարձնել իր վրա։ Նա, կատարելով Արևմուտքի հրամանները, միտումնավոր խորտակում է իր երկիրը՝ փորձելով Կովկասում Ռուսաստանի դեմ «երկրորդ ճակատ» ստեղծել:

Մանրամասները՝ «Փաստ» օրաթերթի այսօրվա համարում