Հայերի նկատմամբ ատելություն կրթական հաստատություններում. տեսանյութ ադրբեջանական դպրոցից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ադրբեջանի կրթական հաստատություններումմ դատելով նոր հրապարակումներից, հայերի նկատմամբ թշնամական տրամադրությունների քարոզչությունն անդադար շարունակվում է: Լրագրող Ջավիդ Ախմեդովը երկրի դպրոցներից մեկում նկարահանված կադրեր է հրապարակել:

«Նայեք ադրբեջանական դպրոցում այս խելագարությանը: Ահա թե ինչպես են դեռահասներին ուղեղը լվանում: Դպրոցը դարձել է քարոզչության, այլ ոչ թե կրթության վայր: Աշակերտները բեմադրում են մի սկետչ հայի գերի վերցնելու և նրան ստիպելու մասին ասել. «Ղարաբաղը Ադրբեջան է»: Ի՜նչ խայտառակություն կրթական համակարգի համար»,- գրել է նա X-ի իր միկրոբլոգում:

Մեկ այլ գրառման մեջ լրագրողը նշել է, որ Ադրբեջանի իշխանությունները տասնամյակներ շարունակ իրենց ներկայացնում են որպես զոհեր՝ մեղադրելով Հայաստանին և դրանով իսկ արդարացնելով երկրի ներսում բռնաճնշումներն ու անարդարությունը: Ըստ Ախմեդովի՝ անթիվ ընտանիքներ են տուժել ոստիկանական բռնության և կոռուպցիայի պատճառով, և, ինչպես նա նշում է, հասարակության մեջ արմատացել է տրամաբանությունը. «Ինձ գողության համար մի՛ մեղադրեք, մեղադրեք հայերին»:

Ախմեդովը շեշտում է, որ եթե հայատյացությունը թուլանա Ադրբեջանում, կառավարությունը կկորցնի իր հիմնական քարոզչական գործիքը: Այս նարատիվը հանրային զայրույթը վերահղում է դեպի դուրս՝ թույլ տալով, որ կոռուպցիան և ավտորիտարիզմը աննկատ գործեն։

 «Պետական ​​ատելությունը չի սկսվել «Հաղթանակի զբոսայգուց»։ Այն դրսևորվել է շատ ավելի վաղ, երբ հայ սպային կացնով սպանած Ռամիլ Սաֆարովին դիմավորեցին որպես հերոսի։ Այգին կառուցվել է նույն տրամաբանությամբ՝ մահացածների սաղավարտներով և երեխաների համար ռասիստական ​​մանեկեններով։ Սա մարդկայնությունից զրկել է նշանակում»,- նշել է Ախմեդովը։

Հետևեք մեզ՝ այստեղ