Ստամբուլում տարեց հայ ոսկերիչի սպանության և վերջինիս կնոջը դաժանաբար ծեծի ենթարկելու գործով 8 մարդ է ձերբակալվել. 7–ը` հայաստանցի (լուսանկարներ)

Blognews.am-ը գրում է.

Թուրքական Haberler լրատվական կայքի տեղեկացմամբ` 85-ամյա Հակոբ Դեմիրջիի սպանության մեջ մասնակցություն ունենալու մեղադրանքով Թուրքիայի Տրապիզոն քաղաքում ձերբակալվել է 8 հոգի:

Ստամբուլի Շիշլի թաղամասում բնակվող Սեդա Աիդա Դեմիրջին և նրա ամուսինը՝ Հակոբ Յակուփ Դեմիրջին, հարձակման են ենթարկվել իրենց տանը: Հարձակման նպատակը թալանն է եղել։

–Ոստիկանները կասկածյալներին հետապնդել են ու ձերբակալել Տրապիզոնում։ Նրանք տարբերակներ էին փնտրում երկրից հեռանալու համար։ Ձերբակալված 8 կասկածյալներից 7 Հայաստանի քաղաքացիներ են, իսկ մեկը Թուրքիայի հայ քաղաքացի»,-ասել է Ստամբուլի նահանգապետը։

Milliyet պարբերականն էլ նշել է ձերբակալած կասկածյալների անունները՝ Մ. Արմինե, Մ.Քրիստինա, Ա.Արթուր, Է.Արամ, Է.Սերգեյ, Բ.Մարիանա, Է.Լիդա, Բ. Նարգիզ։

Կասկածյալներից մեկը աշխատել է տարեց ամուսիններին պատկանող ոսկու խանութում։

Հիշեցնենք, որ  փետրվարի 6-ին Ստամբուլի Շիշլի թաղամասում բնակվող Սեդա Աիդա Դեմիրջին և նրա ամուսինը՝ Հակոբ Յակուփ Դեմիրջին, հարձակման են ենթարկվել իրենց տանը: Երեքհոգանոց խումբը թափանցել է Դեմիրջիների բնակարան, խեղդամահ արել Հակոբին ու վնասվածքներ հասցրել Սեդային: Բնակարանը թալանվել է:

Սեդա Աիդա Դեմիրջին տեղափոխվել է հիվանդանոց, որտեղ բուժում ստանալուց հետո դուրս է գրվել և տեղափոխվել ազգականների մոտ:

 

Հարձակման զոհ դարձած զույգը կապված է էղել խոզի կաշվից պատրաստված պարանով` մեթոդը հնուց ի վեր օգտագործվում է Թուրքիայում այլադավաններին նվաստացնելու համար: Սա արվել է գողության հետքերը թաքցնելու, թե իսկապես ազգայնական հողի վրա` կպարզի հետաքննությունը։