Ինչպե՞ս մտերմանալ տղամարդու հետ

Այսօր ուզում եմ խոսել այն գործողությունների ու բառերի մասին, որոնք վիրավորում և սպանում են զգացմունքները, քանդում նոր ձևավորվող հարաբերությունները: Այսպիսով,

1. Միամիտ աղջիկները, ցանկանալով բարձրացնել իրենց վարկանիշը, պատմում են, թե ինչպիսի երկրպագուներ են ունեցել: Խանդավառությամբ նկարագրում են, որ նրանցից մեկը հիանալի էր, մյուսը` միջակություն, իսկ երրորդը` ոչնչություն: Ձեր կողքի տղամարդը կսկսի համեմատվել նրանց հետ:  Բացի դա, նա կսկսի մտածել, որ դուք քննարկում եք իրեն ձեր ընկերուհիների հետ:
2. Ամենակոպիտ սխալներից է պատմել նրան ձեր նախկին կյանքի ինտիմ մանրամասների մասին: Եթե նույնիսկ նա պահանջում է այդ անել, ապա զգուշացե′ք: Տղամարդու համար ցանկացած համեմատություն նույնն է, ինչ ցլի համար կարմիր թաշկինակը: Մի համեմատեք ձեր զուգընկերոջը նաև ուրիշների ամուսինների կամ ֆիլմի հերոսների հետ:
3. Տղամարդու համար շատ կարևոր է իր ազատությունը: Նա նյարդայնանում է, երբ իրեն հարցնում են ու՞ր ես գնում, որտե՞ղ ես այժմ, ե՞րբ կգաս, կամ այո′, այժմ ես հասկացա, թե դու ով ես:
4. Չի կարելի տղամարդու նկատմամբ ներկայացնել ձեր իրավունքները, հատկապես հարաբերությունների սկզբում: Տղամարդիկ վախենում են այն կանանցից, ովքեր փորձում են իրենց կինը դառնալ: Ժամանակի ընթացում նրանք իրենք կառաջարկեն իրենց կինը դառնալ. պարզապես ժամանակ տվեք, որ սովորեն ձեզ:
5. Դարձեք տղամարդու համար անհրաժեշտություն. թող նա համեմատի ձեզ իր միայնության հետ:
6. Կարողացեք լսել նրան և խոսել նրա հետ: Ցույց տվեք, որ նա ձեզ վրա լավ տպավորություն է թողնում:
7. Հիշեք, որ նա չպետք է պարտվի կամ զգա իրեն ոչ իր ափսեի մեջ: Հաճոյախոսություններ արեք` ուղղված նրա թաքնված հատկություններին: Օրինակ` միայն քեզ պես տղամարդը պետք է կրի նման փոխկապ: Միևնույն ժամանակ դուք ինքներդ պետք է կարողանաք հաճոյախոսություններ ընդունել, չնայած շատ կանայք դա տանել չեն կարողանում:
8. Մի փորձեք տղամարդուն կյանք կամ բարոյականություն սովորեցնել:
9. Եվ որ ամենակարևորն է եղեք հոգատար ու սիրող: Տղամարդը պետք է զգա ձեր ջերմությունն ու նվիրվածությունը: