Տամբովում ավտոբուսի վարորդը հրաժարվել է տարեց կնոջը անվճար տեղափոխել և նրան փողոց է նետել։ Դեպքի տեսանյութը հրապարակվել է Telegram-ի «Tambov.Incidents» ալիքում։
Նոյեմբերի 2-ի երեկոյան #3 ավտոբուսի ուղևորները ականատես են եղել մի միջադեպի։ Մի տարեց կին ձեռնափայտով բարձրացել է ավտոբուս՝ մտադիր լինելով օգտվել իր անվճար ուղևորությունից։
Սակայն ավտոբուսի վարորդը հրաժարվել է նրան տանել՝ հայտարարելով, որ «թոշակառուները այլևս իրավունք չունեն անվճար ճանապարհորդելու»։ Այնուհետև նա բռնել է կնոջը և ավտոբուսից դուրս հրել փողոց։ Տեսանյութում երևում է, թե ինչպես են վարորդը և մեկ այլ տղամարդ բռնել զոհի ձեռքերից և քարշ տվել գետնին։
«Ցավոք, հեռախոսը միկրոֆոն չունի, ուստի նրա անպարկեշտ բառապաշարը չի ձայնագրվել», - բացատրել է գրառման հեղինակը։
Նա հույս ունի հանրության ուշադրությունը հրավիրել իրավիճակի վրա և պատժել վարորդին։
Թարգմանությունը՝ Past.am-ի
