Ադրբեջանցիները արդեն գալիս են հանգիստ Հայաստան․ ի՞նչ պլաններ ունի Ալիևը Հայաստանի վրա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իլհամ Ալիևը կրկին հայտարարել է՝ ադրբեջանցիները պետք է վերադառնան Հայաստան, ընդգծելով, որ դա չպետք է վախեցնի հայ ժողովրդին և պետությանը։ Այս մասին նա հայտարարել էր Ադրբեջանի գիտությունների ազգային ակադեմիայի հիմնադրման 80-ամյակին նվիրված միջոցառմանը։ 

«Ցավոք, տարիներ շարունակ հայկական կողմը և սփյուռքը խեղաթյուրել են մեր պատմությունը, և այս քարոզչությունը շարունակվում է։ Այսօրվա Հայաստան ադրբեջանցիների վերադարձը չպետք է վախեցնի Հայաստանի ժողովրդին և պետությանը։ Մենք պետք է մեր պատմական հողերը վերադառնանք ոչ թե տանկերով, այլ մեքենաներով։ Այստեղ, իհարկե, հիմնական պատասխանատվությունն ընկնում է պետության վրա», - ասել է Ալիևը:

Նա հայտարարել է, որ Սևանա լիճ չկա, կա Գյոյչա։

Այս ամենից հետո ի՞նչ ունի ասելու Նիկոլ Փաշինյանը  հայ ժողովրդին, արդյո՞ք նա նույնպես համամիտ է Իլհամ Ալիևի հետ, իսկ եթե ոչ, ապա Ալիևը ՀՀ սուվերեն տարածքի մասին չի՞ խոսում` խեղաթյուրում պատմությունը։ Մինչ Նիկոլ Փաշինյանը լուռ ու մունջ լսում է Իլհամ Ալիևին, հայ ժողովուրդը համացանցում միայն իր դժգոհությունն է հայտնում Ալիևի հայտարարությունների մասով։

Արդյո՞ք Փաշինյանն ու Ալիևը արդեն պայմանավորվել են ադրբեջանցիների վերադարձի մասով, իսկ Սևանա լիճը արդեն ադրբեջանակա՞ն է Փաշինյանի թիմի և Ալիևի համար․ այս և այլ հարցերի շուրջ MediaHub-ը զրուցեց քաղաքագետ Կարեն Իգիթյանի հետ, ում մուտքը ՀՀ հուլիսի 5-ին արգելվել է Պյատիգորսկից վերադառնալիս։

«Մենք տեսնում ենք, որ այն ինչի մասին խոսք է գնում բանակցությունների ժամանակ, դա ի վերջո վերածվում է միակողմանի զիջումների, տեսնում ենք՝ այսպես կոչված «Թրամփի ուղին», որտեղ հայ ուժայինները, սահմանապահները չեն կանգնելու և ստուգելու ադրբեջանցիներին, դա է Ադրբեջանի պահանջը։ Հայաստանը Ադրբեջանի տարածքով նման կերպ ո՛չ կկարողանա բեռ տեղափոխել, ո՛չ մարդկանց և այլն։ Այս պահին խոսք է գնում «վերաբնակեցման մասին», այստեղ պարիտետային սկզբունք չկա,  քանի որ ՀՀ իշխանությունը նշում է, որ ոչ մի դեպքում այդ հարցը չպետք է բարձրաձայնենք, իսկ Ադրբեջանը՝ հակառակը»,- նշեց Իգիթյանը։

Ըստ քաղաքագետի՝ ՀՀ ղեկավարությունը նշում է, որ պետք է հրաժարվենք պատմական Հայաստանից, իսկ Ադրբեջանը կեղծ պատմական Ադրբեջան է ստեղծում և այդ նարատիվն առաջ է տանում։ Այս ամենը ընդունում է Փաշինյանի թիմը։

«Միակողմանի զիջումները Ադրբեջանի և Թուրքիայի մոտեցումներն են, և նույնն է ՀՀ այսօրվա ղեկավարության մոտեցումը, միակողմանի զիջում՝ ՀՀ շահերի հաշվին։ Մինչ ընտրությունները Փաշինյանը փորձելու է հայ հասարակության վրա ծախել այդ փաթեթը՝ իբր ինքը հասել է խաղաղության։ ՀՀ-ն կրճատում է իր ռազմական բյուջեն, իր բանակը, իսկ Ադրբեջանը հակառակն է անում՝ նոր տեխնիկա է առնում, նոր հատուկ նշանակության ստորաբաժանումներ է ստեղծում, և հայտարարում է, որ Հայաստանը իր պատմական հայրենիքն է և իրենք պետք է «վերադառնան»։ Կա՛մ լինելու է հերթական միակողմանի զիջում, կա՛մ հերթական ադրբեջանական ագրեսիա»,- ասաց քաղաքագետը։

Ալիևը հայտարարեց, թե Սևանա լիճ չկա, կա Գյոյչա, ի՞նչ են ուզում ասել դրանով, արդյո՞ք հաջորդը Սևանն է, միակողմանի զիջում կրկին կլինի՞։

«Արդեն ասել են, որ զիջելու են նոր անկլավներ, սակայն, ինչ վերաբերվում է Սևանին, ապա այստեղ փոխվելու է Փաշինյանի և Ալիևի մարտավարությունը, և հանձնվելու է ոչ թե որպես պետության, այլ իրենք այդպես ասացին «վերաբնակեցնելու են» Սևանը, կամ Ադրբեջանը կիրականացնի ևս մեկ ռազմական օպերացիա, դուրս գա Սևանի ափին և այդ դիրքերից խոսի։ Ադրբեջանի նպատակները չեն փոխվել, իսկ հնարավորությունները ավելացել են։ Իսկ ադրբեջանցիների գալու մասով, իրենք հիմա էլ են գալիս Հայաստան, գալիս են Վրաստանով կամ Իրանով, ադրբեջանական անձնագրերով գալիս են, մնում են հյուրանոցներում, եղել են դեպքեր, որ հյուրանոցներից ահազանգել են Ոստիկանություն, իսկ ԱԱԾ-ն ու Ոստիկանությունից ասել են՝ երբ-որ իրենք՝ ադրբեջանցիները հանցագործություն անեն, այդ ժամանակ կզանգեք։ Ուրիշ հարց, եթե իրենք հասնեն ինչ-որ պայմանավորվածությունների և ադրբեջանցիներն ունենան առանձին ամրագրած և երաշխավորված իրավունքներ անվտանգության վերաբերյալ, այդ դեպքում այլ իրավիճակ կլինի, իրենք և՛ կսադրեն, և՛ հրահրելու են կոնֆլիկտ, և հայերը դուրս կգան այդ տարածքներից, որտեղ սադրելու են»,- հայտնեց Իգիթյանը։