10-ամյա Էլենը սովորականի նման այցելել էր դպրոց, ապա ընկել աստիճանից և մահացել․ ի՞նչ էր տեղի ունեցել. գործը բացահայտվել է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վեդիի դպրոցներից մեկի աշակերտուհու հետ տեղի ունեցած ողբերգական դեպքից անցել է ավելի քան մեկ տարի։ 

Հիշեցնենք, MediaHub-ը գրել էր, որ 2024թ․-ի սեպտեմբերի 19-ին, 10-ամյա Էլենը սովորականի նման այցելել է դպրոց, ապա զանգել են երեխայի քրոջն ու տեղեկացրել, որ երեխային տեղափոխում են Վեդիի բժշկական կենտրոն: Այնտեղից երեխան տեղափոխվել էր Երևան։ Էլենը այդ օրերի ընթացքում գտնվել է կոմայի մեջ, ապա սեպտեմբերի 28-ին՝ մահացել: MediaHub-ին «Սուրբ Աստվածամայր» բժշկական կենտրոնից հայտնել էին, որ դատաբժշկական փորձաքննություն է ընթանում։ Երեխայի գործով ՀՀ քննչական կոմիտեն նախաձեռնել էր քրեական վարույթ։

MediaHub-ի տեղեկություններով՝ գործը բացահայտվել է, և պարզվել, որ երեխան դպրոցում աստիճանահարթակից անզգուշությամբ ընկնելու հետևանքով գլխի շրջանում վնասվածք է ստացել, այդ պատճառով մահացել է։ 

Քննչական կոմիտեից հաստատեցին MediaHub-ի տեղեկությունը: «Անցած տարի նախաձեռնվել է վարույթ՝ 172-րդ հոդվածի 1-ին մասի հատկանիշներով (անզգուշությամբ մեկ ուրիշի առողջությանը ծանր վնաս պատճառելը), փորձաքննություն է նշանակվել, սակայն, փորձաքննության եզրակացությունը եկել է, որի համաձայն բժշկական սխալ չկա»,- նշեցին ՔԿ-ից։

Երբ ողբերգական դեպքը տեղի էր ունեցել, վարկած կար, որ երեխային աստիճանահարթակից բրդել են։

Փաստացի, այդ վարկածը, որ հնարավոր է երեխային աստիճանահարթկից բրդած լինեն՝ հերքվել է, և պարզվել, որ երեխան դպրոցում աստիճանահարթակից անզգուշությամբ ընկնել է, որից հետո օրեր անց մահացել։

Հետևեք մեզ՝ այստեղ