Երկու ռուսական ռազմական ինքնաթիռ է ներխուժել Լիտվայի օդային տարածք. Reuters

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Լիտվական բանակի տվյալներով՝ հինգշաբթի երկու ռուսական ռազմական ինքնաթիռ մոտ 18 վայրկյանով ներխուժել է ՆԱՏՕ-ի անդամ Լիտվայի օդային տարածք, հաղորդում է Reuters-ը։

Ըստ լիտվական կողմի տեղեկության՝ երկու ինքնաթիռ՝ Су-30 կործանիչը և Ил-78 լիցքավորող ինքնաթիռը, հնարավոր է, կատարել են վառելիքով լիցքավորման ուսումնական առաքելություն, երբ 15:00-ի սահմաններում Կալինինգրադի մարզից Լիտվայի վրայով թռել են 700 մետր բարձրությամբ։

«Այս միջադեպը ևս մեկ անգամ ցույց է տալիս, որ Ռուսաստանը վարվում է ահաբեկչական պետության պես ՝ անտեսելով միջազգային իրավունքը և հարևան երկրների անվտանգությունը»,- Facebook-ում գրել է Լիտվայի վարչապետ Ինգա Ռուգինիենեն։

«Լիտվան ապահով է։ Մեր դաշնակիցների հետ հոգ ենք տանում և կպաշտպանենք մեր երկրի յուրաքանչյուր սանտիմետրը»,- հավելել է նա։

Դրան ի պատասխան՝ ՆԱՏՕ-ի Բալթյան օդային ոստիկանության իսպանական Eurofighter Typhoon կործանիչները, որոնք պարեկում են այս տարածքում, բարձրացվել են օդ, հայտնել են զինվորականները։ Սեպտեմբերի 19-ին երեք ռուսական ռազմական ինքնաթիռ 12 րոպեով խախտել են Էստոնիայի օդային տարածքը։ ՆԱՏՕ-ն բարձրացրել և ուղեկցել է դրանց։ Ռուսաստանը հերքել է, որ իր ինքնաթիռները ներխուժել են Էստոնիա՝ ասելով, որ Տալլինը որևէ ապացույց չունի այդ հայտարարությունը հաստատելու համար և ձգտում է սրել լարվածությունը Արևելքի և Արևմուտքի միջև։ Ինը օր առաջ ավելի քան 20 ռուսական անօդաչու թռչող սարքեր էին ներխուժել Լեհաստանի օդային տարածք։ ՆԱՏՕ-ի ինքնաթիռները խոցել էին դրանցից մի քանիսը, և, Ուկրաինայում պատերազմի սկզբից ի վեր, սա առաջին դեպքն էր, երբ դաշինքի անդամը կրակ էր բացել ռուսական օբյեկտների վրա։

Հետևեք մեզ՝ այստեղ