Որդիս ինձ երկրորդ շնչառություն պարգևեց. Իրինա Հարությունյան

Փետրվարի 5-ին՝ ժամը 10:55-ին, լույս աշխարհ է եկել դերասանուհի Իրինա Հարությունյանի՝ իր իսկ խոսքերով երկրորդ շնչառությունը: Life.panorama.am-ի հետ զրույցում երջանիկ մայրիկը պատմեց, որ ինքն ու որդին ժամեր անց դուրս կգրվեն հիվանդանոցից եւ տուն կգնան, ուր իրենց են սպասում հարազատներն ու ընկերները:

«Երջանկությունս նկարագրել չեմ կարող: Այսօր մի անգամ էլ եմ հասցրել ասել այս տողերը, բայց դա իսկապես այդպես է՝ հենց հիմա ես աշխարհի ամենաերջանիկ մարդն եմ, ներսումս մի բան է  կատարվում, որ բառերով նկարագրել չեմ կարող, նա իմ գլուխգործոցն է: Մինչեւ հիմա հավատս չի գալիս, որ այս հրաշքն ինձ հետ կատարվեց, կարծես թե քնած լինեմ ու դեռ չեմ կարողանում արթնանալ»,- պատմեց Իռա Հարությունյանը:

Հետաքրքրվելով, թե ինչպես են իրենց զգում մայրիկն ու նորածին որդին՝ Իրինա Հարությունյանը պատասխանեց. «Հուզված եմ, նրա ծնվելու օրից սկսած հուզմունքս իսկապես չի անցնում, միայն տարբեր երանգներ է ունենում: Այսօր շատ հուզված եմ, որ պատկերացնում եմ մի քանի ժամից մենք տանը կլինենք՝ արդեն նաեւ մեր Դավիթի տանը»:

«Դավիթս շատ խելոք բալիկ է, հանգիստ է, խաղաղ: Առաջին օրը շատ նման էր ավագ որդուս՝ Արամին, բայց օր օրի փոխվում է: Կարծում եմ, փոքրիկս ոչ ոքիս չնեղացնելով, բոլորիս է նման. շուրթերն ինձ է նման, հայացքը՝ ամուսնուս, իսկ գեղեցիկ քիթը՝ առաջնեկիս: Մեծ առումով նման է ինքն իրեն՝ վերցնելով մեզնից լավագույն կողմերը»,- մեծ ոգեորությամբ պատմեց դերասանուհի մայրիկը:

Շարունակությունը՝ այստեղ