ԱԱ-2025. Սուրեն Գրիգորյանը զրո ստացավ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նորվեգիայի Ֆյորդե քաղաքում անցկացվող ծանրամարտի աշխարհի առաջնությունում Հայաստանի ներկայացուցիչ Սուրեն Գրիգորյանը զրո ստացավ: 88 կգ քաշայինների պայքարում Եվրոպայի Մ23 չեմպիոնը հրում վարժությունում ձախողեց բոլոր մոտեցումները եւ չկարողացավ գլխավերեւում պահել 195 կգ ծանրաձողը:

Սուրեն Գրիգորյանը պոկում վարժությունում պայքարն ավարտել էր 7-րդ տեղով: Այս վարժությունում մեկնարկեց 160 կգ-ով, որը չկարողացավ բարձրացնել: Հայաստանի ներկայացուցիչը ձախողեց նաեւ երկրորդ փորձը եւ միայն երրորդ մոտեցմանը կարողացավ պոկել 160 կգ:

Սուրեն Գրիգորյանը 2021թ.  Եվրոպայի Մ20 փոխչեմպիոն է, երիտասարդների աշխարհի փոխչեմպիոն, 2022 թ. Եվրոպայի Մ20 չեմպիոն, 2023 թ. Եվրոպայի Մ20 չեմպիոն, 2024 թ. Եվրոպայի Մ23 չեմպիոն:

Հայաստանի հավաքականի նախկին անդամ, Եվրոպայի չեմպիոն, աշխարհի առաջնության բրոնզե մեդալակիր Անդրանիկ Կարապետյանը Բոսնիա-Հերցեգովինայի կազմում նորամուտն անհաջող նշեց: Կարապետյանը պոկում վարժությունում զրո ստանալուց հետո հրաժարվեց հրում վարժության պայքարից:

Հայաստանի հավաքականը դեռեւս երկամարտի մեդալ չի նվաճել: Փաշիկ Ալավերդյանի գլխավորած թիմից փոքր արծաթե մեդալ է նվաճել միայն Սոռ Սահակյանը (71 կգ):

Ծանրամարտի Հայաստանի հավաքականը 7 մարզիկով է կմասնակցում աշխարհի առաջնությունյանը: Տղամարդկանց պայքարում կլինեն նաեւ Սիմոն Մարտիրոսյանը, Գարիկ Կարապետյանը (երկուսն էլ 110 կգ) եւ Վարազդատ Լալայանը (+110 կգ):

Կանանց պայքարում կլինի միայն Աննա Ամրոյանը (77 կգ):

Հոկտեմբերի 8

77 կգ - Աննա Ամրոյան (B խումբ)` 19:00

Հոկտեմբերի 10

110 կգ - Սիմոն Մարտիրոսյան, Գարիկ Կարապետյան` 21:30

Հոկտեմբերի 11

+110 կգ - Վարազդատ Լալայան` 18:00

Հետևեք մեզ՝ այստեղ