Շախմատի ԵԱ․ Հայաստանի թիմը ոչ ոքի խաղաց խորվաթների հետ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Բաթումիում (Վրաստան) ընթացող շախմատի Եվրոպայի թիմայի առաջնության երկրորդ տուրում Հայաստանի հավաքականը մրցեց խորվաթների հետ։ Գրանցվեց ոչ ոքի՝ 2:2:

Բոլոր պարտիաներն ավարտվեցին ոչ ոքի։ Հայաստանի հավաքականում խաղացին Շանթ Սարգսյանը, Ռոբերտ Հովհաննիսյանը, Հայկ Մարտիրոսյանն ու Արամ Հակոբյանը։

Առաջին տուրում Հայաստանի հավաքականը 2,5:1,5 հաշվով հաղթել էր Լիտվայի թիմին։

Կանանց Հայաստանի հավաքականը 2,5:1,5 հաշվով հաղթեց Ռումինիայի թիմին։ 

Հայաստանի թիմից հանդես եկան Լիլիթ Մկրտչյանը, Մարիամ Մկրտչյանը, Էլինա Դանիելյանն ու Սուսաննա Գաբոյանը։

Առաջին տուրում հայ շախմատիստուհիները 2,5:1,5 հաշվով հաղթել էին Էստոնիայի թիմին։

Առաջնությունում կանցկացվի 9 տուր։

Հետևեք մեզ՝ այստեղ