Լեհաստանը ռազմական տեխնիկա է տեղափոխում Բելառուսի հետ սահման՝ դրոնների հարձակումից հետո

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Լեհաստանը ռազմական տեխնիկա է ուղարկել Բելառուսի հետ սահման՝ այն բանից հետո, երբ գիշերը ռուսական անօդաչու թռչող սարքի հարվածը գործի է դրել ՆԱՏՕ-ի կործանիչները, ակտիվացրել հակաօդային պաշտպանությունը և փակել Վարշավայի օդանավակայանները։

«Ինտերֆաքս»-ի փոխանցմամբ, ռազմական բեռնատարների հանրային ճանապարհներով շարժման կադրերը չորեքշաբթի առավոտյան ցուցադրվել են «First National» պետական ​​հեռուստաալիքով։

Լեհաստանի վարչապետ Դոնալդ Տուսկը հայտարարել է, որ Վարշավան կկիրառի ՆԱՏՕ-ի կանոնադրության 4-րդ հոդվածը, որը նախատեսում է արտակարգ խորհրդակցություններ անդամ երկրներից որևէ մեկի անվտանգությանը, տարածքային ամբողջականությանը կամ քաղաքական անկախությանը սպառնացող վտանգի դեպքում։

Տուսկի խոսքով՝ գիշերը Լեհաստանի օդային տարածք են ներխուժել առնվազն 19 անօդաչու սարք։ Լեհաստանի ՆԳՆ-ն հայտնել է, որ երկրի տարածքում հայտնաբերվել է խոցված յոթ անօդաչու թռչող սարք, ինչպես նաև հրթիռի մի հատված։ Հինգ անօդաչու թռչող սարք ընկել է Լյուբլինի վոևոդությունում։ Դրանցից մեկը բնակելի շենքի վրա է ընկել՝ Բելառուսի սահմանի մոտ։ գտնվող Վիրիկի գյուղում։

Գիշերվա ընթացքում տեղի ունեցածի պատճառով Լեհաստանն այժմ «ավելի մոտ է ռազմական հակամարտությանը, քան Երկրորդ համաշխարհային պատերազմից ի վեր որևէ այլ պահի», - ասել է Տուսկը։ «Ես որևէ պատճառ չունեմ ասելու, որ մենք պատերազմի եզրին ենք, բայց սահմանը հատվել է և այն անհամեմատ ավելի վտանգավոր է, քան նախկինում», - ասել է նա խորհրդարանում։

Բելառուսի պաշտպանության նախարարությունում անօդաչու թռչող սարքերը «մոլորված» են անվանվել։ Դրանց մի մասը «ոչնչացվել է հանրապետության հակաօդային պաշտպանության ուժերի կողմից», հայտարարել է պաշտպանության նախարարի առաջին տեղակալ Պավել Մուրավեյկոն։

Պատերազմի սկզբից ի վեր ռուսական անօդաչու թռչող սարքերի մի քանի ներխուժում է գրանցվել Լեհաստանի և Ռումինիայի օդային տարածք, սակայն մինչ օրս Լեհաստանը ստիպված չի եղել խոցել դրանք։ Ուկրաինայի նախագահ Վոլոդիմիր Զելենսկին հայտարարել է, որ գիշերվա ընթացքում Ռուսաստանը 415 անօդաչու թռչող սարք և 40 հրթիռ է օգտագործել Ուկրաինայի վրա հարձակվելու համար՝ հավելելով, որ դրանց մի մասը «ուղղված է եղել դեպի Լեհաստան»։

Հետևեք մեզ՝ այստեղ