Մեր մոտեցումը վաղվա խաղի համար կլինի ամբողջությամբ նույնը, ինչ առաջին խաղում էր․ «Նոայի» գլխավոր մարզիչ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վաղը՝ օգոստոսի 28-ին, Աբովյանի Վահագն Թումասյանի անվան «Քաղաքային» մարզադաշտում Հայաստանի չեմպիոն «Նոան» պատասխան խաղում կընդունի Սլովենիայի չեմպիոն «Օլիմպիային»։ Այս մասին գրում է ArmSport.am-ը։

«Նոայի» գլխավոր մարզիչ Սանդրո Պերկովիչը նախախաղային ասուլիսում նշել է, որ թիմի տրամադրվածությունը պատասխան խաղին ընդառաջ կլինի նույնը, ինչ առաջին խաղում։

«Մեր մոտեցումը վաղվա խաղի համար կլինի ամբողջությամբ նույնը, ինչ առաջին խաղում էր։ Հանդիպումը կմեկնարկի 0-0 հաշվով, և մեր նպատակն է հաղթել վաղվա խաղում։ Թիմը կներդնի առավելագույնը: Մենք կանենք բացարձակապես ամեն բան, ինչը հնարավություն կտա ուրախություն պարգևելու երկրպագուներին», – Սանդրո Պերկովիչի խոսքն է մեջբերում «Նոայի» մամուլի ծառայությունը։

«Նոայի» պաշտպան Էրիկ Բոակյեն, իր հերթին, նշել է, որ առաջին խաղում իրենց հաջողության գրավականը եղել է կենտրոնացվածությունն ու բարձր մոտիվացիան։

«Կարծում եմ` առաջին խաղի ժամանակ մեզ շատ օգնեց կենտրոնացվածությունն ու մոտիվացիան, որը մենք ունեինք: Մենք պետք է վաղն էլ դուրս գանք խաղադաշտ նույն մոտեցմամբ` ամբողջ ուժով, կենտրոնացվածությամբ և մոտիվացիայով, նույն հաղթանակի ծարավով և հասնենք հաջողության», – նշել է Էրիկ Բոակյեն։

Հիշեցնենք, որ թիմերի միջև կայացած առաջին խաղում «Նոան» հաղթել է 4:1 հաշվով։

Հետևեք մեզ՝ այստեղ