Միջմոլորակային առաքելության նոր փուլ․ JUICE-ը պատրաստվում է Վեներայի գրավիտացիոն մանևրին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եվրոպան հաջողությամբ վերականգնել է կապը իր ամենաառաջադեմ միջմոլորակային սարքի՝ JUICE Jupiter probe-ի հետ։ Այն մի քանի օրից պետք է կատարի իր կարևորագույն անցումը Վեներայի կողքով։ ESA-ի կողմից 2023 թվականի ապրիլին արձակված JUICE (Jupiter Icy Moons Explorer) սարքը դեպի Յուպիտերի համակարգ ճանապարհին է՝ ուսումնասիրելու հսկա մոլորակը և նրա երեք հիմնական արբանյակները՝ Գանիմեդը, Կալիստոն և Եվրոպան։ Այն նախատեսում է Յուպիտերին հասնել 2031-ի հուլիսին՝ անցնելով չորս գրավիտացիոն մանևրների միջով, որոնցից երկրորդը տեղի կունենա հենց այս կիրակի՝ Վեներայի հետ մոտենալու ժամանակ։

Հուլիսի կեսերին կայացած անսպասելի կապի կորուստը մեծ անհանգստություն էր առաջացրել մասնագետների մոտ․ JUICE-ը մոտ 20 ժամ «լռության մեջ» էր՝ 200 միլիոն կմ հեռավորության վրա։ Ինժեներները ենթադրում էին, որ խնդիրը կապված էր անտենայի սխալ դիրքավորման կամ հաղորդիչի անսարքության հետ։ Մի շարք փորձերից հետո վեցերորդ ազդանշանի միջոցով հաջողվեց վերականգնել կապը։ Այս կիրակի JUICE-ը կանցնի Վեներայի կողքով՝ օգտվելով մոլորակի գրավիտացիայից՝ դեպի Յուպիտեր ճանապարհը շարունակելու համար։ Հաջորդ գրավիտացիոն մանևրը նախատեսված է 2026-ի սեպտեմբերին Երկրի շուրջ, իսկ 2029-ին JUICE-ը կստանա անհրաժեշտ արագությունը՝ 2031-ին Յուպիտերի համակարգ հասնելու համար։

Հետևեք մեզ՝ այստեղ