ՊԱՏՄՈՒԹՅԱՆ ԱՅՍ ՕՐԸ (26 ՕԳՈՍՏՈՍԻ). Արգելվել է «ժամանակավոր ներմուծման» կարգով ավտոմեքենա ներկրել Հայաստան․ «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Նամիբիա՝ Հերոսների օր, Պապուա Նոր Գվինեա՝ Ապաշխարանքի օր, Աբխազիա՝ Անկախության օր, Հարավային Օսիա՝ Անկախության օր, Մալազիա՝ Անկախության օր, Արգենտինա՝ Համերաշխության օր, ԱՄՆ՝ Կանանց իրավահավասարության օր, Իրան՝ Աշխատավորների օր։

ՀԱՅ-ՀԱՅԱՍՏԱՆ

1342 –վախճանվել է Կիլիկյան Հայաստանի թագավոր Լեւոն Ե-ն։

1892– վախճանվել է գրող եւ մտավորական Ռափայել Պատկանյանը:

1915– Մեծ եղեռնի ժամանակ թուրք ոճրագործների կողմից սպանվել են բանաստեղծ, արձակագիր, բժիշկ Ռուբեն Սեւակը եւ բանաստեղծ, գրական եւ հասարակական գործիչ Դանիել Վարուժանը։

1925 – ծնվել է արձակագիր Գուրգեն Առաքելյանը։

1926 – բացվել է Արզնիի առողջարանը։

1926 – ծնվել է վիրտուոզ ջութակահարուհի Անահիտ Ցիցիկյանը։

1935 – ծնվել է կինոօպերատոր Ալբերտ Յավուրյանը։

1944 – ծնվել է ֆրանսահայ ականավոր քաղաքական գործիչ Պատրիկ Դեւեջյանը։

1949 – ծնվել է ամերիկահայ բլ յուզ եւ ջազ նվագող եւ երգիչ Լեոն Ռեդբոուն (Տիգրան Կո- պալեան)։

1961 – վախճանվել է թերապեւտ, արյունաբան Անդրեյ Բաղդասարովը։

1994 – գրանցվել է ազգային դոմենը՝ .am- ը։

2010 – ֆիզիկական անձանց արգելվել է «ժամանակավոր ներմուծման» կարգով ավ- տոմեքենա ներկրել Հայաստան, որով իսկ արգելվել է վրացական պետհամարանիշնե- րով ավտոմեքենաների երկարատեւ շահագործումը Հայաստանում, որոնք արդեն իսկ կազմել էին Հայաստանում գրանցված տրանսպորտային միջոցների շուրջ 10 տոկոսը։

2012 – սիրիական Հալեպում ապստամբների եւ կառավարական ուժերի միջեւ ընթացող մարտերը տեղափոխվել են հայաբնակ թաղամասեր:

2019 – ՊԵԿ նախկին նախագահ Գագիկ Խաչատրյանը ձերբակալվել է ծանր հետեւանքների առաջացմամբ պաշտոնեական դիրքը չարաշահելու եւ առանձնապես խոշոր չափերով գույք վատնելու կասկածանքով։

2021 – ադրբեջանցիների կողմից փակվել է Կապան-Գորիս միջպետական ճանապարհի Կատարի-Կարմրաքար 16-18 կմ-անոց հատվածը:

2022- ադրբեջանական բանակը մտել է հայերի կողմից լքված Լաչին, Աղավնո եւ Սոս բնակավայրեր:

ԱՇԽԱՐՀ

55 մ.թ.ա.– տեղի է ունեցել Հուլիոս Կեսարի առաջին ներխուժումը Բրիտանիա։

865 – ծնվել է պարսիկ ալքիմիկ, բժիշկ եւ փիլիսոփա Ռազեսը։

1382 – մոնղոլական Թոխթամիշ խանը գրավել է Մոսկվան։

1498 – 23-ամյա Միքելանջելոն ստացել է պատվեր՝ ստեղծել արձանային խումբ Հռոմի Սուրբ Պետրոսի տաճարի համար։

1641 – Արեւմտա-հնդկական ընկերությունը զավթել է Լուանդուն (Անգոլան)։

1666 – վախճանվել է հոլանդացի նկարիչ Ֆրանս Հալսը:

1728 – ծովագնաց Վիտուս Բերինգը հայտնագործել է Ասիայի եւ Եվրոպայի միջեւ գտնվող նեղուցը, որը հետագայում ստացել է նրա անունը՝ Բերինգի նեղուց։

1743 – աշխարհում առաջին անգամ Անգլիայում հրատարակվել են բռնցքամարտի կանոնները, որոնք մշակել էր բռնցքամարտիկ Ջեկ Բրոուտոնը։

1743 – ծնվել է ֆրանսիացի քիմիկոս, այրման թթվածնային տեսության հիմնադիր Անտուան Լորան Լավուազիեն:

1768 – անգլիացի ծովագնաց Ջեյմս Կուկն սկսել է իր առաջին շուրջերկրյա ճանապարհորդությունը։

1789 – Ֆրանսիայում ընդունվել է մարդու եւ քաղաքացու իրավունքների հռչակագիրը, որը հիմք է դրել Եվրոպայում բուրժուական իրավունքի ստեղծման։

1791 – ամերիկացի Ջոն Ֆիտչը արտոնագրել է շոգենավը եւ ցուցադրել այն 4 տարի անց։

1801 – Ֆիլիպ Լեբոնը արտոնագրել է երկտակտ ներքին այրման շարժիչը։

1812 – տեղի է ունեցել Բորոդինոյի ճակատամարտը, որը 1812 թվականի Հայրենական պատերազմի ամենախոշոր ճակատամարտն է ռուսական եւ ֆրանսիական զորքերի միջեւ:

1847 - Միացյալ Նահանգներից ներգաղթյալները հիմնել են սեւամորթ աֆրիկացիների առաջին անկախ Լիբերիա պետությունը։

1850 – վախճանվել է Ֆրանսիայի թագավոր Լուի Ֆիլիպը։

1880 – ծնվել է 20-րդ դարի եվրոպական ավանգարդի ամենավառ դեմքերից մեկը՝ ծագումով լեհ ֆրանսիացի բանաստեղծ Գիյոմ Ապոլիները:

1883 – Ճավա եւ Սումատրա կղզիներում գտնվող Կրակատաու հրաբխից առաջացած ցունամիի զոհ է դարձել 36 հազար մարդ։

1903 – հնէաբան Օտտո Հաուզերը հայտնաբերել է հրաշալի պահպանված կրոմոնոնյան մարդու կմախք։

1944 – Երկրորդ համաշխարհային պատերազմի ժամանակ Շառլ դը Գոլը մտել է Փարիզ։

1945 – վախճանվել է ավստրիացի գրող եւ հումանիստ, «Մուսա լեռան քառասուն օրը» ստեղծագործության հեղինակ Ֆրանց Վերֆելը:

1952 – առաջին անգամ իրականացվել է ջրմուղային ջրի ֆտորացում։

1977 – Քվեբեքի Ազգային ժողովն ընդունել է «Ֆրանսերենի խարտիան»։

2008 – Ռուսաստանի Դաշնության նախագահ Դմիտրի Մեդվեդեւը ստորագրել է Աբխազիայի եւ Հարավային Օսիայի անկախությունը ճանաչող հրամանագիր։

2021 – Ղազախստանի Ժամբիլի շրջանի Բայզակ բնակավայրում պայթյուն է տեղի ունեցել ռազմական պահեստում, որի արդյունքում զոհվել է 13 մարդ:

2024 – Փարիզում բացվել են 33–րդ ամառային օլիմպիական խաղերը:

Մանրամասները՝ «Փաստ» օրաթերթի այսօրվա համարում