Մառախուղ, բուք ու ձնաբուք. Հայաստանի շուրջ 15 բնակավայրում, այդ թվում Երեւանում, ձյուն է տեղում

ՀՀ տարածքային կառավարման եւ արտակարգ իրավիճակների նախարարությունը տեղեկացնում է, որ փետրվարի 7-ի ժամը 22.00-ի դրությամբ ՀՀ տարածքում ավտոճանապարհները հիմնականում անցանելի են:

Փակ է Վարդենյաց լեռնանցքը:

Դժվարանցանելի են Սոթք-Քարվաճառ, Ամասիա-Ցողամարգ (բուք), Ալագյազ-Արթիկ, Ուրասար-Կաթնաղբյուր ավտոճանապարհները եւ Դիլիջանի ոլորանները:

Ապարան-Ծիլքար, Վայք-«Զանգեր» (ձնաբուք), Գորիս-«Զանգեր» ճանապարհահատվածներին տեղ-տեղ առկա է մերկասառույց:

Վարդենյաց լեռնանցքում, Քաջարան-Մեղրի ավտոճանապարհի 31-35-րդ կմ-ին (Մեղրիի սար), Լոռու մարզում, Սյունիքի մարզի Սիսիան, Գորիս, Կոտայքի մարզի Հրազդան, Աբովյան, Չարենցավան, Եղվարդ, Գեղարքունիքի մարզի Մարտունի, Ճամբարակ, Սեւան քաղաքներում, Արագածոտնի մարզի Ապարանի եւ Արագածի տարածաշրջաններում առկա են տեղումներ ձյան տեսքով, իսկ ճամբարակում եւ Վարդենիսում բուք է:

Կապան-Գորիս-Սիսիան ճանապարհահատվածին, ինչպես նաեւ Ճամբարակ քաղաքում մառախուղ է:

ՃՇՇ աշխատակիցներն իրականացնում են ճանապարհների մաքրման եւ մշակման աշխատանքներ:

ՀՀ ՏԿԱԻ նախարարությունը վարորդներին խորհուրդ է տալիս վերոնշյալ ճանապարհահատվածներով երթեւեկել միայն խիստ անհրաժեշտության դեպքում` ձմեռային անվադողերով:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար: