Հնագետները Եվրոպայում հայտնաբերել են 850,000 տարի առաջվան թվագրվող մարդակերության սարսափելի ապացույցներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսպանիայի Գրան Դոլինա քարանձավում վերջերս կատարված պեղումները բացահայտել են Եվրոպայում մարդակերության ամենահին հաստատված սովորույթներից մեկը, հաղորդում է Live Science-ը։

Հետազոտողները հայտնաբերել են երեխայի (մոտավորապես 2-ից 5 տարեկան) պարանոցի ոսկոր, որի վրա հստակ երևում են սուր գործիքներից ստացված հետքեր՝ մարմնի զգուշորեն մասնատման և հետագա օգտագործման ապացույցներ։

Ոսկորը պատկանում էր Homo antecessor տեսակի անդամի, որը հանդիպում է բացառապես Գրան Դոլինայում։

Գիտնականները նշում են, որ այս տեսակը համակարգված կերպով զբաղվել է մարդակերությամբ, այլ ոչ թե մեկուսացված գործողություններ կատարելով. տարածքում հայտնաբերված մարդկային ոսկորների ավելի քան 30%-ը ցույց են տալիս մերկացման, կոտրման և նույնիսկ մարդկային խայթոցների հետքեր։

Ընդհանուր առմամբ, հնագետները այս շերտում հայտնաբերել են Homo antecessor-ի 10 կմախք՝ բոլորն էլ կենդանու դիակի պես վարվելու հետքերով՝ մասնատումից մինչև ոսկրային կառուցվածքի դիտավորյալ վնասում։ Շերտը թվագրվում է 850,000-ից 780,000 տարի առաջ, ինչը այն դարձնում է Եվրոպայում մարդկային մարդակերության ամենահին ապացույցը։

Գրան Դոլինա քարանձավը երեք տասնամյակ շարունակ ուսումնասիրվել է և նախկինում այնտեղ հայտնաբերվել են մարդակերության տասնյակ դեպքեր, այդ թվում՝ 11-ամյա աղջկա մնացորդներ։

Հայտնագործությունը փոխում է մեր պատկերացումները հին վարքագծի մասին՝ ցույց տալով, որ նման գործելակերպերը կարող էին սոցիալական դրդապատճառներով պայմանավորված լինել, ինչպիսիք են ռեսուրսների կամ տարածքի վերահսկողության համար մրցակցությունը։

Հետևեք մեզ՝ այստեղ