Վրաստանում ձերբակալվել է 13 անօրինական ներգաղթյալ, որոնց թվում կան Թուրքիայի և Պակիստանի քաղաքացիներ
ՄԻՋԱԶԳԱՅԻՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վրաստանի Ներքին գործերի նախարարության միգրացիայի դեպարտամենտի աշխատակիցները Թբիլիսիում ձերբակալել են 13 անօրինական ներգաղթյալի, որոնք Հորդանանի, Եգիպտոսի, Պակիստանի, Հնդկաստանի և Թուրքիայի քաղաքացիներ են, հաղորդում է Новости-Грузия-ն։
Դատելով գերատեսչության մամուլի ծառայության կադրերից՝ ձերբակալություններից առաջ անցորդների պատահական ստուգումներ են իրականացվել Աղմաշենեբելի պողոտայի տարածքում: Այստեղ գործում են տասնյակ բարեր և ռեստորաններ, որոնք պատկանում են Մերձավոր Արևելքից եկած մարդկանց։
Միգրացիայի դեպարտամենտը պարզել է, որ կալանավորվածները խախտել են «Օտարերկրացիների և քաղաքացիություն չունեցող անձանց իրավական կարգավիճակի մասին» օրենքի պահանջները։ Նրանք բոլորը տեղափոխվել են ժամանակավոր կացարան, և սկսվել են երկրից արտաքսման ընթացակարգերը։
Վրաստանի Ներքին գործերի նախարարությունը հայտարարել է, որ ապագայում կշարունակեն իրականացնել ներգաղթի վերահսկողության նմանատիպ միջոցառումներ։
«Վրացական երազանքի» կառավարությունը իշխանության 12-րդ տարում ակտիվ պայքար է սկսել անօրինական ներգաղթյալների դեմ։ Խորհրդարանը խստացրել է ներգաղթի մասին օրենքները՝ պարզեցնելով արտաքսման ընթացակարգերը և ներգաղթյալների որոնումը։ Վրաստանի Ներքին գործերի նախարարությունը ամեն ամիս հաղորդում է տասնյակ օտարերկրացիների արտաքսման մասին։
Հետևեք մեզ՝ այստեղ




















































