Քայլի Ջեններին քննադատել են Miu Miu-ի նոր ֆոտոշարքում «դատարկ հայացքի» համար

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Քայլի Ջենները քննադատությունների ալիքի է ենթարկվել սոցիալական ցանցերում՝ Miu Miu-ի՝ 2025 թվականի աշնանային գովազդային արշավի համար արված իր նոր լուսանկարների հրապարակումից հետո։ Ռեալիթի շոուի 27-ամյա աստղը, որը նաև կոսմետիկայի ապրանքանիշի սեփականատեր է, ներկայացել է պաշտամունքային նորաձևության տան կերպարներով, սակայն ոչ բոլոր երկրպագուներն են գնահատել արդյունքը։

Լուսանկարներում Քայլին կեցվածք է ընդունել մինիմալիստական ինտերիերի և չեզոք դեկորի ֆոնին՝ ցուցադրելով ռետրո-ակադեմիական ոճով ոգեշնչված տեսք։ Սակայն Reddit-ի օգտատերերը քննադատել են կադրերը՝ դրանք անվանելով Ջենների կարիերայի վատագույններից։

«Ես սիրում եմ Քայլիին, բայց ներողություն, այս լուսանկարահանումը նրան չի սազում։ Լուսանկարները չեն ընդգծում նրա գեղեցկությունը, և այդ «դատարկ աչքերը» կրկին կադրում են»,-մեկնաբանել է մեկը։

Մյուսները նշել են, որ աստղը «հոգնած» տեսք ունի։ «Ես սովորաբար սիրում եմ նրա կադրերը, բայց սա ամենավատն է»,-հավելել է մեկ ուրիշը։

Սակայն որոշ հետևորդներ պաշտպանել են Քայլիին։ «Ինձ դուր է գալիս։ Սա նրա սովորական ոճը չէ, իսկ ակնոցը նրան սազում է»,-գրել է երկրպագուներից մեկը։ «Ուրախ եմ, որ նա հեռանում է սեքսուալացված կերպարից»։ «Լավագույն լուսանկարահանումը չէ, բայց հիանալի է», - ավելացրել է մեկ ուրիշը։

Արշավի կարևոր լուսանկարներից մեկում Ջենները ներկայանում է մուգ կանաչ տրիկոտաժե կարդիգանով՝ համապատասխան կիսաշրջազգեստով, սպիտակ շապիկով, սև լոֆերներով և փայլուն գուլպաներով։ Կերպարը լրացվել է շագանակագույն փափուկ շարֆով, Miu Miu պայուսակով և աչքի ընկնող վզնոցով։

Հետևեք մեզ՝ այստեղ